 |
|
Douce dame tout autre pensement quant pens a uous
oubli en mon corage des ke uous ui des iex premierement
ainc puis amours ne fu de moi sauuage. ancois ma plus |
 |
| trauellie ke deuant pour cou uoi bien ke garison natant. ki masouage fors seul de uous remirer des iex du cuer en pensant. |
 |
| Se ie nepuis uers uous aler souuent ne uous poist pas bele courtoise et sage. ke je me dout forment de male gent ki deuinant aront fait maint damage et se ie faic daillonrs amer sam blant. Sacies ke cest sans cuer et sans talant. sensoies sage. et sil uous deuoit peser. iel lairoie ancois ester. |
 |
| Sans uous ne puis dame ne ie nequier ne ia dautrui diex ne me doinst mais ioie. car iaim mout miex estre en uostre dangier et souffrir mal kautre bien se lauoie ha si bel oel riant a lacointier. mi firent si corage cangier. ke ie soloie blasmer et despire amours. or en sent mortex dolours. |
 |
| Si grant biaute com si puet acointier en courtois sen ski son gent cors maistroie. Ia li fist diex pour faire meruellier tous ciaus a cui ele ueut faire ioie. Nul outrage dame ie ne uous quier. fors seul itant ke daignissies cuidier. ke uostres soie. mout me seroit grans secours et esperance damours. |
 |
| Ains riens ne ui en li ne mait naure dun caup parfont a si tres douce lance front bouche et nes iex uis fres couloure mains chief et cors et bele con tenance. ma douce dame et quant les reuenres mes anemis ki si fort mont greue par lor poissance. kainc mais nus hom fust uis ki tant amast ses anemis. |
 |
| Cancons uatent a celi ke bien ses et se li di pour paour ai chante et en doutance. Mais drois est ke fins amis soit a sa dame ententis. |