| I | |
| De ma dame souuenir. fet amours lie. mon courage. qui me fet ioiant morir. silatruiz uers moi sauuage. la bele que tant desir. fera de moi son ple sir. que touz sui sienz sanz men tir. nus ne puet trop acheter. les maux. quamours puet donn(er). |
De ma dame souvenir fet Amours lié mon courage, qui me fet joiant morir, si la truiz vers moi sauvage. La bele que tant desir fera de moi son plesir, que touz sui sienz sanz mentir. Nus ne puet trop acheter les maux qu’Amours puet donner. |
| II | |
| Bele (et) bonne. auous seruir sui tout mon eagele. si sui uos tres sanz ]sanz[ faillir (et) de cuer (et) de courage. car me deigniez retenir. amours par uostre plesir. fetes li de moi menbrer nus ne puet trop achet(er) (et) c(aetera). |
Bele et bonne, a vous servir sui tout mon eagele, si sui vostres sanz faillir et de cuer et de courage. Car me deigniez retenir, Amours, par vostre plesir. Fetes li de moi menbrer! Nus ne puet trop acheter et caetera |
| III | |
| Une coustume aamours q(ui) ami forment guerroie. plere li fet ses dolours ce me semble por la moie. que nus b(ie)ns ne puet dail lors uenir. fors du haut secors quainsi me doint diex trouuer. nus ne puet. (et) c(aetera). |
Une coustume a Amours qui ami forment guerroie: plere li fet ses dolours. Ce me semble, por la moie, que nus biens ne puet d’aillors venir fors du haut secors qu’ainsi me doint Diex trouver. Nus ne puet et caetera. |
| IV | |
| Et qui ses tres g(ra)nz ualours. \u/]p[uet deuiser. toutes uoies est ele sus les meillours. quades mest uis que la uoie. (et) q(ue) sa fres che coulour. est e(n) mon cuer mi reour. diex (con) si fet bon mirer. |
Et qui ses tres granz valours vuet deviser, toutes voies est ele sus les meillours; qu’adés m’est vis que la voie et que sa fresche coulour est en mon cuer mireour. Diex! con s’i fet bon mirer! |
| V | |
| Atendre mesteut ainsi si mest uis que ie foloie. ie ne cuit tro uer merci. si ferai uoir toute uoie. que(n) ma dame trop irer. ne ie nai pas deserui. quele mi doie greuer. nus ne puet (et) c(aetera). |
Atendre m’esteut ainsi, si m’est vis que je foloie. Je ne cuit trover merci, si ferai, voir, toute voie; qu’en ma dame trop irer, ne je n’ai pas deservi qu’ele m’i doie grever. Nus ne puet et caetera. |