[c. 230ra]
 |
Tant ai amors seruie longuem(en)t que des or mais ne man doit nus reprendre. se ie man part or a dieu les (con)mant. (con) ne doit pas toz iors folie enprendre (et) cil est fox qui ne san seit deffendre. ne ni co noist son mal ne son tormant. Lan me ta(n) roit desormais por anfant q(ue) chascuns tens doit sa saison atendre. Ie ne sui pas si (con) cele autre gent qui ont ame puis i uuelent (con)tendre (et) dient mal par ui lain mautalant mais nus ne doit seig nor servise rendre encontre lui mesdi re ne mesprendre. se il san part parte san bonem(en)t androit de moi uueil ie q(ue) tuit amant aient grant bien quant ie ni puis plus prendre. Amors mo(n)t fait grant bien en iuq(ue) ci ele ma fait amer sanz uilonie la tres plus bele (et) la meillor ausis au mien cuidier qui onq(ue)s fust enuie amors le uuet (et) ma dame man prie. q(ue) man parte (et) ie m(u)lt lan merci. quant par le gre ma dame man chasti. meillor raison en ai en ma partie. Autre chose ne ma amors meri. mais diex ma bien par sa pitie ga ri quant deliure ma de sa seignorie. quant eschapez li sui sanz perdre uie ai(n)z de mes iex si bone eure ne ui si cuit ie fai re ancor maint ieu parti (et) maint son net (et) mainte ra(n)uerdie. Au (con)ma(n)cier se doit lan bien garder dantreprendre chose desmesuree mais bone amor en lait home a penser ne bien choisir ou mete sa pensee plus tost ai(n)me une estrange (con) tree ou lan ne puet ne uenir ne aler (con) ne fait ce (con) puet toz iors trouer. Ici est bien la folie esprouee. or me gart diex (et) damor (et) damer. fors de cele cui lan doit |
[c. 230rb]
 |
aourer ou lan ne puet faillir a grant sodees |