| I | |
|
B nou cor et nou talen. Ab nousaber et ab nou sen. Et abbon nou captenemen. Ue ill un bon nou uers comensar. Eque mos bos nous mozente(n). Bener plus nos asoui uen. que uels endeu renouelar. |
[A]B nou cor et ab nou talen, ab nou saber et ab nou sen et ab bon nou captenemen, veill un bon nou vers comensar e, que mos bos nous moz enten, ben er plus nos a so viven que vels en deu renovelar. |
| II | |
|
U eu renouel mon ardimen. Quel nouel ab ueill pessamen. Franc de nouel abfrem parue(n). Echant el nouel tems clar Qel nouel fruz nas e desen. El no uels criz eneis sempren. Eil aucel intro en amar. |
[Q]u’eu renovel mon ardimen, q’el novel ab veill pessamen, franc de novel ab frem parven, e chant el novel tems clar, qe.l novel fruz nas e desen el novels criz, en eis s’empren, e.il aucel intro en amar. |
| III | |
|
O mnam que mefai alegrar. Que os am mels quom nos pesar. Tan be cum euam nico(m) tar. Queu am lagensor ses co(n) ten. Si deus mam enoi met cui dar. Qua obs damar lam sauper triar. Amors quant nos aiostet gen. |
[D]Omnam que me fai alegrar que os am mels quom nos pesar, tant be cum eu am ni comtar, qu’eu am la gensor ses conten: si Deus m’am! E no.i met cuidar, qua obs d’amar la.m saup triar Amors quant nos aiostet gen. |
| IV | |
|
A mor medei eu ben lauzar. Mels quadamor gazerdonar. Non pos qua mors masin ten car damar person chanz men. Mais qua mors nopot es toiar. A sos obsa mors nido nar. Ad altra domnab cors rizen. |
[D’]Amor me dei eu ben lauzar mels qua d’amor gazerdonar non pos, qu’Amors m’a sin ten car, d’amar per son chanzmen mais qu’Amors no pot estoiar a sos obs, Amors, ni donar ad altra domna ab cors rizen. |
| V | |
| J re deie simfaz souen. Quel cors merineis endormen. E midons rim tandolza men. que deneguris nonapar. E sim ten sos ris plus iauzen. Que simrizion quate en. An gel quem derion gauh far. |
[R]jre dei e si.m faz soven, qu’el cors me ri neis en dormen e midons ri.m tan dolzamen que de negun ris non a par; e si.m ten sos ris plus iauzen, que si.m rizion quate en angel que.m derion gauh far. |
| VI | |
|
A uh aieu tandon nul dolen. Serion del meugauh manem. E del meu gauh tut mei paren. Uiurion ab gauh ses maniar. Qui uol gauh ab melna queren. Queu aitot gauh enteira men. De mido(n)s queben lom poc dar. |
[G]auh ai eu tan don nul dolen serion del meu gauh manem e del meu gauh tut mei paren vivrion ab gauh ses maniar; qui vol gauh ab me l’an queren, qu’eu ai tot gauh enteiramen de midons que ben lo.m poc dar. |