| I | |
|
Raimbaut dorenia A B nou ioi et ab nou talen. ab nou saber (et) ab nou sen. (et) ab nou bel captenemen. uueilh un nou uerset començar. e qi mos bels motz nous enten. ben et plus nous aso(n) uiuen. qom uiels sen deu renouellar. |
Raimbaut d’Orenia Ab nou ioi et ab nou talen, ab nou saber et ab nou sen et ab nou bel captenemen, vueilh un nou verset començar e, qi mos bels motz nous enten, ben er plus nous a son viven, q’om viels s’en deu renovellar. |
| II | |
| Q Jeu renouell mon ardime(n). qils nouels mouen pe(n)sam(en). farai dun nouell ferm par paruen. enchantan ab no uels temps clar. qe fan lau zell mais don dissen. los no uels critz don ioi sespren. dels auzels qis tan en amar. |
Q’jeu renovell mon ardimen, qi‧ls novels moven pensamen. Farai d’un novell ferm par parven, en chantan ab novels temps clar, qe fan l’auzell mais don dissen los novels critz don ioi s’espren, dels auzels qi‧s tan en amar. |
| III | |
| D On aman mi fan alegrar. qieu am si qom no(n) pot co(n)tar. tan ben con ieu am ni pen sar. qieu am lagensor ses con ten. si dieus mait e noimet cuiar. qal mels damar la saup triar amors qi nos aiostet gen. |
Don aman mi fan alegrar, q’ieu am si q'om non pot contar tan ben con ieu am ni pensar, qu’ieu am la gensor ses conten: si Dieus m’ait! E no‧i met cuiar q’al mels d’amar la saup triar Amors qi nos aiostet gen. |
| IV | |
| D Amor mi dei ieu ben lauzar. mais qaz amor gazardonar. no puesc qamors ma enco(n)ten. egardat per son chauzimen. mas qamors nom pot estuiar. a sos ops amors ni donar. ad autrui donai cor rizen. |
D’amor mi dei ieu ben lauzar mais q’az Amor gazardonar non puesc: q’Amors m’a en conten e gardat per son chauzimen mas q'Amors no‧m pot estuiar a sos ops, Amors, ni donar ad autrui, don ai cor rizen. |
| V | |
| R Jrem dei qossim fatz souen. qel cors me ri neis en durmen. e midons rim tan doussame(n). qe ris de dieu mes uis som par. don me fai sos ris plus iauzen. qe sim rission qatrecen a(n)gel qim deurion gaug far. |
Rjre‧m dei qossi‧m fatz soven, qe‧l cors me ri neis en durmen e midons ri‧m tan doussamen qe ris de Dieu m'es vis, so‧m par; don me fai sos ris plus iauzen, qe si‧m rission qatre cen angel qi‧m deurion gaug far. |
| VI | |
| G aug naiental qe mil dolen. serion del mieu gaug ma nen. qar de mon gaug tut mei paren. (et) ieu uiu ab gaug ses maniar. e qi uol gaug sai lan qeren. qieu tot lo gaug entieramen. amidons qel mi pot tost dar. |
Gaug n’ai en tal qe mil dolen serion del mieu gaug manen, qar de mon gaug tut mei paren et ieu viu ab gaug ses maniar; e qi vol gaug sai l’an qeren, q’ieu tot lo gaug entieramen a midons qe‧l mi pot tost dar. |
| VII | |
| B Onna dals non ai aparllar. mais de uos donna q(ue) baissar. uos cug ades qant aus nomar. uos donna qe ses vestimen. en mo(n) cor uos esgar. qades mieus uei domni(n)s estar. uo stre nou cors bel e plazen. |
Bonna, d’als non ai a parllar mais de vos, dompna, que baissar vos cug ades qant aus nomar vos, donna, vos esgar, q’ades mieus vei domn'ins estar vostre nou cors bel e plazen. |
| VIII | |
| D E mon nou uers uueill totz p(re)gar. qel manion de nouell chantar. aleis cui am ses tale(n) uar. dieus me lais (et) amors sieu men qautre ris mi se(m)bla plorar. sim ten ferm e(n)gaug ses laissar. mi dons qautre drut non consen. |
De mon nou vers vueill totz pregar qe‧l m’anion de novell chantar a leis cui am ses talen var. Dieus me lais, et Amors, s’ieu men, q’autre ris mi sembla plorar, si‧m ten ferm en gaug ses laissar midons, q’autre drut non consen. |
| IX | |
| I A dieus mais donna no(m) p(re)sen. sol gar madonna e mon iu glar. |
Ia Dieus mais donna no‧m presen: sol gar ma donna e mon Iuglar. |
| X | |
| D Jeus gar madonnæ mon iu glar. e iamais do(n)nna nom pressen. |
Djeus gar ma donna e mon Iuglar e ia mais domnna no‧m pressen. |