I | |
De madame souenir fait amors lie mon corage. qui me fait ]iant[ ioiant morir si la truis uers moi sau uage. la bele que tant desir fera de moi son plaisir que touz sui siens sanz fausser nus ne puet trop acheter les biens qu(e) amors puet doner. |
De ma dame sovenir fait Amors lié mon corage, qui me fait joiant morir, si la truis vers moi sauvage. La bele que tant desir fera de moi son plaisir, que touz sui siens sanz fausser. Nus ne puet trop acheter les biens que Amors puet doner. |
II | |
Bele (et) bone a uos seruir uoil estre tout mon aage. si sui uostres sanz faillir de cuer de cors de courage. car me daigniez re tenir amors par u(ost)re plaisir faites li de moi ma(m)brer |
Bele et bone, a vos servir voil estre tout mon aage, si sui vostres sanz faillir de cuer, de cors, de courage. Car me daigniez retenir, Amors, par vostre plaisir. Faites li de moi mambrer! |
III | |
Une costume a amors q(ui) formant a moi guerroie. plorer li fait ses doulors ce me samble por la moie que nus biens ne puet daillors. uenir fors dou haut secours qua(n)li me doint diex tro uer. |
Une costume a Amors qui formant a moi guerroie: plorer li fait ses doulors. Ce me samble, por la moie, que nus biens ne puet d’aillors venir fors dou haut secours qu’an li me doint Diex trover. |
IV | |
Et qui sa tres grant ualor recor deroit toute uoie. est ele sus la meillor quades mest uis q(ue) la uoie. (et) que sa fres che coulor soit en mon cuer mireor. diex (con) si fait biau mirer. |
Et qui sa tres grant valor recorderoit, toute voie est ele sus les meillor; qu’adés m’est vis que la voie et que sa fresche coulor soit en mon cuer mireor. Diex! Con s’i fait biau mirer! |
V | |
Atendre mestuet ainsinc si mest uis q(ue) ie foloie. ie ni cuit trouer merci si ferai uoir toute uoie. qua(n) ma dame trop me fi. ne ie nai pas des serui q(ue) si me doie greuer |
Atendre m’estuet ainsinc, si m’est vis que je foloie. Je n’i cuit trover merci, si ferai, voir, toute voie; qu’an ma dame trop me fi, ne je n’ai pas desservi que si me doie grever. |
VI | |
Chancon ua tan tost si di amamie depar mi q(ue)le te face chanter. |
Chançon, va tantost si di a m’amie de parmi qu’ele te face chanter! |