Tu sei qui

Edizione diplomatica

Schede primarie

raeambauts daurenga.

Escoutats mais no sai qe ses. segnior. so qieus voil comensar vers
estribot ni sirventes. no(n) es ni non lo sei trobar. ni eu no sai
consil fezes. saital nol podia cabar. canc hom dautal miga no(n)
nausis far. ad home ni ad femna en aq(ue)st segle. ni en laltre
qe nes passatz.
Si tot mo tenes a foles. ies p(er) aisso nom dei laissar. cades nom
cudo(m) chastiar. tot qant er nom prez impoies vas so cades vei (et)
esgar. e sai vos ben dire. p(er) qe car seu nos dizia paraula (et) no(n)
lei trasia a cap. sai qe tenrias men p(er) fat qe mais am auer seis
diners el poign. qe mil sols al cel.

Ja vos nom tema far qim pes. mos amics aissol voil pregar.
sas obs nom vol valer manes. pos mo p(ro)fer a long tarzar
plus tost de lieis qe ma conqes. no(n) pot nulla res emanar.
tot aiso dir per una dona qem fai morir ab lo(n)c respeig.
(et) ab bellas paroulas pot mi donc bon esser segniors.

Ge ben a passat qatre mes (et)ami a cent anz. som par. qema
autreiat (et) p(ro)mes. qem dara so qem es plus car. donna pos bo(n)
cor maues mes. a dol sal me del dolz lamar.