| I |
| raeambauts daurenga. Escoutats mais no sai qe ses. segnior. so qieus voil comensar vers estribot ni sirventes. no(n) es ni non lo sei trobar. ni eu no sai consil fezes. saital nol podia cabar. canc hom dautal miga no(n) nausis far. ad home ni ad femna en aq(ue)st segle. ni en laltre qe nes passatz. |
| Raeambauts d’Aurenga Escoutats, mais no sai qe s’es, segnior, so qu’ieu‧s voil comensar. Vers, estribot, ni sirventes non es, ni non lo sei trobar; ni eu no sai consi‧l fezes s’aital no‧l podi’acabar, canc hom d’autal miga non n’ausis far ad home ni ad femna en aquest segle ni en l’altre qe n’es passatz. |
| II |
| Si tot mo tenes a foles. ies p(er) aisso nom dei laissar. cades nom cudo(n) chastiar. tot qant er nom prez impoies vas so cades vei (et) esgar. e sai vos ben dire. p(er) qe car seu vos dizia paraula (et) no(n) lei trasia a cap. sai qe tenrias men p(er) fat qe mais am auer seis diners el poign. qe mil sols al cel. |
| Sitot m’o tenes a foles ies per aisso no‧m dei laissar c’ades no‧m cudon chastiar: tot qant er no‧m prez im poies vas so c’ades vei et esgar, e sai vos ben dire per qe. Car s’eu vos dizia paraula et non lei trasia a cap, sai qe tenrias m’en per fat, qe mais am aver seis diners el poign qe mil sols al cel. |
| III |
| Ja ren nom tema far qim pes. mos amics aissol voil pregar. sal obs nom vol valer manes. pos mo p(ro)fer a long tarzar plus tost de lieis qe ma conqes. no(m) pot nulla res emanar. tot aiso dir per una dona qem fai morir ab lo(n)c respeig. (et) ab bellas paroulas pot mi donc bon esser segniors. |
| Ja ren no‧m tema far qi‧m pes mos amics, aisso‧l voil pregar; s’al obs no‧m vol valer manes pos m’o profer’a long tarzar; plus tost de lieis qe m’a conqes no‧m pot nulla res emanar. Tot aiso dir per una dona qe‧m fai morir ab lonc respeig et ab bellas paroulas. Pot mi donc bon’esser, segniors? |
| IV |
| Ge ben a passat qatre mes (et)ami a cent anz. som par. qema autreiat (et) p(ro)mes. qem dara so qem es plus car. donna pos bo(n) cor maues mes. a dol sal me del dolz lamar. |
| Ge ben a passat qatre mes, – et a mi a cent anz so‧m par – qe m’a autreiat et promes qe‧m dara so qe m’es plus car. Donna! pos bon cor m’aves mes adolsas me del dolz l’amar. |