 |
Douce dame tout autre pensem(en)t quant pens a uos obli en mo(n) cora ge. Des q(ue) uos ui des iex premierem(en)t ains puis amors de moi ne fu sauuage ancois ma plus traueillie q(ue) deuant porce uoi bien q(ue) guerredon natent q(ui) massoage for seul de uos remirer des iex dou cuer empenser |
 |
Se ie ne puis uers uos aler sonant ne uos poist pas bele cortoise et sage. Que ie me dout form(en)t de male gent qui deuinant a uront fait maint domage et se iai fait daillors amer samblant sachiez q(ue) cest sa(n)z cuer et sanz talent san soiez sage et sil uos en deuoit peser ie lairoie ancois ester |
  |
Sanz uos dame ne puis ne ie ne quier ne ia dautrui mais diex ne me doint ioie. Car iaig m(u)lt miex estre en uo dongier et soffrir mal quautre bien se lauoie ha li bel oil riant alacointier me firent si mo(n) courage changier. Que ie soloie et blasmer et despire amors or en sens mortex dolors. |
 |
La grans biautez con se pot acointier en cortoisie qui son gent cors maistroie. Ia le fist diex por faire mervillier touz caus a cui ele uuet fai re ioie. Nul outrage dame ie ne uos quier fors seul itant q(ue) daignissiez cui dier q(ue) u(ost)re soie si me seroit grans secors et esperance damors. |
 |
Ains riens ne ui en li ne mait naure dun parfont cop a si tres douce lance front bouche neis iex uis fres coulourez mai(n)s chief et cors et bele contenance. Ma douce dame et q(ua)nt les reuerre mes anemis qui si fort mo(n)t greue par lor puissance quai(n)s mais ne cuit q(ue) hons fust uis qui tant amast ses enemis. |
 |
Chancon uatan a celi q(ue) bien sez et si li di quan paor a cheance et en doutance mais droiz est q(ue) fins amis soit a sa dame ententis. |