|
I |
[.............................] rs atras
[..............................] ir. mer
[...............................] os los
[.............................] els co -
[............................] z. quieu
[..........................] mido(n)s
[.............................] dolens.
[.............................] m cuy -
gey [......................] . e pus
sai etz ami uengutz. chanta
rai sim nai estat mutz. que
non uuelh remaner cofes.
|
[..........] rs, a tras [.......................] ir
m'er [......] os los [.....] e·ls co [....] z
qu'ieu [..........] midons, [.....] dolens,
[....] m cuygey [..............................].
E pus sai etz a mi vengutz,
chantarai, si·m n'ai estat mutz,
que non vuelh remaner cofes. |
|
II |
M out uos dei lauzar egra -
zir. quar anc uos uenc cor
ni talens. de saber mos cap -
tenemens. e uuelh quen sap -
chatz alques dir. e ia lauers
nom siaescutz. sieu suy auols
ni recrezutz. que pel uer no(n)
passetz ades. |
Mout vos dei lauzar e grazir
quar anc vos venc cor ni talens
de saber mos captenemens,
e vuelh que·n sapchatz alques dir;
e ia l'avers no·m si'a escutz,
s'ieu suy avols ni recrezutz,
que pel ver non passetz ades.
|
|
III |
Q uar qui per auer uol me(n)tir.
aquelh lauzars es blasiname(n)s.
e torn en mals essenhamens.
es fai als autres escarnir. non
es en digz bos pretz sauputz.
mais als fagz es reconogutz. e
pels fagz uen lo digz apres. |
Quar qui per aver vol mentir,
aquelh lauzars es blasinamens
e torn en mals essenhamens,
es fai als autres escarnir;
non es en digz bos pretz sauputz
mais als fagz es reconogutz,
e pels fagz ven lo digz apres.
|
|
IV |
P er mi meteys uoletz auzir.
quals suy o drutz er clau las -
dens. ades pueja mos pessame(n)s.
on pus de pren en cossir. e dic uos
ben quieu no suy drutz. tot per -
so quat no suy uolgutz. mas be(n)
am sol midons mames. |
Per mi meteys voletz auzir, quals suy, o drutz... er clau las dens,
ades pueja mos pessamens,
on pus de pren en cossir;
e dic vos ben qu'ieu no suy drutz
tot per so quat no suy volgutz,
mas ben am, sol midons m'ames. |
|
V |
P eire rogier cum puesc sufrir.
quades am aissi solamens. mera -
uil me siesc uius dauens. en -
aissim fai midons murir. sieu
muer per lieys farai uertutz. p(er)
quem platz que si fos perdutz.
dreg agra que plus mazires. |
Peire Rogier cum puesc sufrir
quades am aissi solamens?
meravil me siesc vius da vens;
en aissim fai midons murir.
S'ieu muer per lieys farai vertutz,
per que·m platz que, si fos perdutz,
dreg agra que plus mazires. |
|
VI |
A ral uen en cor quem azir. mas
ia fo quer autres sos sens. quai -
cals es sos captenemens. p(er) qieu
ley dey totz temps grazir. sol pel
ben quem ues escazutz. ia mais
nom neschazes salutz. li dey tos -
temps estar als pes.
|
Ara·l ven en cor que m'azir,
mas ia fo qu'er' autres sos sens
quai cals es sos captenemens,
per q'ieu ley dey totz temps grazir,
sol pel ben que·m ves escazutz;
ia mais no·m n'eschazes salutz,
li dey tos temps estar als pes.
|
|
VII |
E sim uolgues tan cossentir. q(ue)
tostemps fos sos endendens. ab
belhs digz nestera iauzens. e fe -
ram senes fag iauzir. e deurian
esser crezutz. quieu non quier
tan ian fos crezutz. mas dun bo(n)
respieg don uisques.
|
E si·m volgues tan cossentir
que tos temps fos sos endendens,
ab belhs digz n'estera iauzens,
e fera·m senes fag iauzir;
e deuria·n esser crezutz,
qu'ieu non quier tan ian fos crezutz
mas dun bon respieg don visques.
|
|
VIII |
B on respieg daut bas son cazuz.
e si nom recep sa uertutz. p(er) cossel
li do quem pendes. |
Bon Respieg, d'aut bas son cazuz,
e si no·m recep sa vertutz,
per cossel li do que·m pendes.
|