| Li Roi de Nauarre | Li Roi de Navarre |
| I | |
| aAsi (com) li unicorne seus ki sabhaist an regarda(n)t cant la pucele uat mirant tant est liee de son amit(*). pamee chiet an son giron. lors losist on antraison. (et) moi ont mort dateil sanblant amors (et) ma dame por uoir mon cuer ont nam peus point rauoir |
Asi com li unicorne seus ki s’abhaist an regardant, cant la pucele vat mirant. Tant est liee de son amit, pamee chiet an son giron ; lors l’osist on an traison. Et moi ont mort d’ateil sanblant amors et ma dame por voir : mon cuer ont, n’am(*) peus point ravoir. |
| II | |
| dDouce dame cant uos conu (et) ie uos ui premieremant li cuers malait si tresaillant. kil uos remainst cant ieu man meus. lors fu meneis sans rean son an la douce chartre an prison. dont li piler sont de talant. (et) li (uis) sont de bial ueoir.(et) li anials de bon espoir. |
Douce dame, cant vos conu et ie vos vi premieremant, li cuers m’alait si tresaillant k’il vos remainst, cant ieu Man meus. Lors fu meneis sans reanson an la douce chartre an prison dont li piler sont de talant et li uis sont de bial veoir et li anials de bon espoir. |
| III | |
| dDe la chartre ont les cleis amors. (et) se i ont mis. trois (uis)iers. bial sanblant a non li premiers. (et) de bonteit ont fait signor. dangier on* mis al(uis) dauant. un ors ui lain. serf (et) puant. ke tant est fel (et) poestis li dui an sont prout (et) hardit. (et) si ont un amant tost pris. |
De la chartre ont les cleis Amors et se i ont mis trois uisiers : Bial Sanblant a non li premiers, et de bonteit ont fait signor ; Dangier ont* mis a l’uis davant, un ors, vilain, serf et puant, ke tant est fel et poestis. Li dui an sont prout et hardit : et si ont un amant tost pris. |
| IV | |
| qQui poroit sosfrir les torma(n)s. (et)les asals des. trois (uis)iers. onkes rollans ne* olliuiers ne uankerent si fort estour. il uankoient an con batant. amors uaint hom humiliant. de cortois font (con)funewier. cil est ensi (com) ie uos di ni ualt pitiet fors ke mersit |
Qui poroit sosfrir les tormans et les asals des trois uisiers ? Onkes Rollans ne* Olliviers ne vankerent si fort estour ; il vankoient an conbatant, amors vaint hom humiliant. De cortois font confunewier ; c’il est ensi com ie vos di ni valt pitiet fors ke mersit. |
| V | |
| dDame ie ne redous tant rien ke ie ne faille auos ameir. tant ai apris. (et) andureir. ke ie seus tous uostre p(ar) us. (et) cil ne man failloit de riens ne man peus ie partir por riens. (et) ke mes cuers ne soit ades deuant la char tre (et) de uos pres |
Dame ie ne redous tant rien ke ie ne faille a vos ameir. Tant ai apris et andureir ke ie seus tous vostre par us ; et c’il ne m’an failloit de riens ne m’an peus ie partir por riens et ke mes cuers ne soit ades devant la chartre et de vos pres. |