I.
Bel m'est quant je voi repairier
le tanz d'esté et raverdir,
et j'oi ces oisiauz renvoisier,
chascun chanter et resbaudir.
adonques vueill merci proier
ma dame pour cui je souspir;
et quant ele m'i puet aidier,
hé las! me laira donc morir?
Ahi! Amours, grant tort avez de moi,
qui me menez a mort, si ne savez pour coi.
II.
Amours, qui si avez douz non,
pour coi faites tel cruauté
de moi qui sui en vo prison,
quant je n'ai ailleurs mon pensé?
Et quar me rendez guerredon,
u a tel m'eüssiez livré
qui de moi preïst raençon
ançoiz que m'eüst afolé.
Ahi! Amours, grant tort avez de moi,
qui me menez a mort, si ne savez pour coi.
III.
Cele au gent cors et au cler vis
pour qui je sui en tel dolour,
s'ert roïne de Saint Denis
s'averoit ele assez valour.
Diex, com avroit gent paradiz
qui seroit sires de s'amour!
Maiz ne sui pas de si haut pris
que je ja aie tant d'onour.
Ahi! Amours, grant tort avez de moi,
qui me menez a mort, si ne savez pour coi.
IV.
Dame, mout grant pechié ferez
se me laissiez en cest tourment.
Se vostre lige home ocïez
mout esploiterez malement,
que puiz l'ore que je sui nez
d'autrui servir n'oi je talent.
Mes cuers en est a vous alez,
s'en faites vo conmandement.
Ahi! Amours, grant tort auez de moi,
me menez a mort, si ne savez pour coi.
V.
Ne me sai maiz u conforter,
que j'ai mon cuer del tout a li.
S'el ne m'en croit, viegne i guarder:
vez, n'en a mie dedenz mi!
or se puet bien faire blasmer
s'ele auques n'en a de merci,
quar on ne vit pieça durer
home sanz cuer longues einsi.
Ahi! Amours, grant tort auez de moi,
me menez a mort, si ne savez pour coi.
VI.
Sire Dex, quar me conseilliez,
ja ne puiz je maiz en avant;
ja sui je si affebloiez,
tuit li membre me vont faillant,
quant a celi n'en prent pitiez
dont je cuidai avoir guarant,
ne ja d'autrui n'i iere aidiez:
li cors faut, l'ame li conmant.
Ahi! Amours, grant tort auez de moi,
me menez a mort, si ne savez pour coi.
VII.
Seigneur, mors sui sanz nul refui,
maiz je voudroie savoir bien
s'onques ma dame en ot ennui
ne se il l'en pesa de rien.
s'ele le dit, bien paiez sui
se encore disoit: – ça vien –,
u se ce non, avec Dieu sui,
maiz je m'amaisse mout mieus sien.
Ahi! Amours, grant tort auez de moi,
me menez a mort, si ne savez pour coi.
le tanz d'esté et raverdir,
et j'oi ces oisiauz renvoisier,
chascun chanter et resbaudir.
adonques vueill merci proier
ma dame pour cui je souspir;
et quant ele m'i puet aidier,
hé las! me laira donc morir?
Ahi! Amours, grant tort avez de moi,
qui me menez a mort, si ne savez pour coi.
II.
Amours, qui si avez douz non,
pour coi faites tel cruauté
de moi qui sui en vo prison,
quant je n'ai ailleurs mon pensé?
Et quar me rendez guerredon,
u a tel m'eüssiez livré
qui de moi preïst raençon
ançoiz que m'eüst afolé.
Ahi! Amours, grant tort avez de moi,
qui me menez a mort, si ne savez pour coi.
III.
Cele au gent cors et au cler vis
pour qui je sui en tel dolour,
s'ert roïne de Saint Denis
s'averoit ele assez valour.
Diex, com avroit gent paradiz
qui seroit sires de s'amour!
Maiz ne sui pas de si haut pris
que je ja aie tant d'onour.
Ahi! Amours, grant tort avez de moi,
qui me menez a mort, si ne savez pour coi.
IV.
Dame, mout grant pechié ferez
se me laissiez en cest tourment.
Se vostre lige home ocïez
mout esploiterez malement,
que puiz l'ore que je sui nez
d'autrui servir n'oi je talent.
Mes cuers en est a vous alez,
s'en faites vo conmandement.
Ahi! Amours, grant tort auez de moi,
me menez a mort, si ne savez pour coi.
V.
Ne me sai maiz u conforter,
que j'ai mon cuer del tout a li.
S'el ne m'en croit, viegne i guarder:
vez, n'en a mie dedenz mi!
or se puet bien faire blasmer
s'ele auques n'en a de merci,
quar on ne vit pieça durer
home sanz cuer longues einsi.
Ahi! Amours, grant tort auez de moi,
me menez a mort, si ne savez pour coi.
VI.
Sire Dex, quar me conseilliez,
ja ne puiz je maiz en avant;
ja sui je si affebloiez,
tuit li membre me vont faillant,
quant a celi n'en prent pitiez
dont je cuidai avoir guarant,
ne ja d'autrui n'i iere aidiez:
li cors faut, l'ame li conmant.
Ahi! Amours, grant tort auez de moi,
me menez a mort, si ne savez pour coi.
VII.
Seigneur, mors sui sanz nul refui,
maiz je voudroie savoir bien
s'onques ma dame en ot ennui
ne se il l'en pesa de rien.
s'ele le dit, bien paiez sui
se encore disoit: – ça vien –,
u se ce non, avec Dieu sui,
maiz je m'amaisse mout mieus sien.
Ahi! Amours, grant tort auez de moi,
me menez a mort, si ne savez pour coi.