| I | |
| Tuit mi desir (et) tuit mi grief torment. uiennent dela ou sont tuit mi penser. grant paor ai porce que to te gent. qui ont ueu son gent cors acesme. mont si sorpris debone uolente. nes dex laime gel sai aescïent. grant merueille est que il en seufre tant. |
Tuit mi desir et tuit mi grief torment viennent de la ou sont tuit mi penser. Grant paor ai, por ce que tote gent qui ont veü son gent cors acesmé m’ont si sorpris de bone volenté. Nes Dex l’aime, gel sai a escïent; grant merveille est, que il en seufre tant. |
| II | |
| Touz esbahis moubli en merueillant. ou diex troua si estrange biaute. quant il la mist saius entre la gent. m(o)lt nos en fist grant debon nairete. car tout le mont ena en lumine. de saualor sont tuit li bien si grant. n(us) ne lauoit qui ne lendie au tant. |
Touz esbahis m’oubli en merveillant ou Diex trova si estrange biauté; quant il la mist sa jus entre la gent, molt nos en fist grant debonnaireté. Car tout le mont en a enluminé, de sa valor sont tuit li bien si grant; nus ne la voit qui ne l’en die autant. |
| III | |
| Soueigne uos dame dou douz acueil. que ie ai fait par si grant desirier. que no rent pas tant de pooir mi oeil. que ie uers uos les osa se lancier. de ma bouche ne uos osai prier. ne poi dire dame ce que ie uueil. tant sui coars las chaitis or men dueil. |
Soveigne vos, dame, dou douz acueil que je ai fait par si grant desirier, que n’orent pas tant de pooir mi oeil que je vers vos les osase lancier; de ma bouche ne vos osai prier, ne poi dire, dame, ce que je vueil; tant sui coars, las, chaitis! Or m’en dueil. |
| IV | |
| Bone auenture aueigne fol espoir. qui les amanz fait uiure (et) resioir. desperance fait languir (et) doloir. (et) mes fox cuers pense ades a garir. sil fust sages il me feist mo rir. por ce fait bon de la folie auoir. quen trop grant sens peut il bien mescheoir. |
Bone aventure aveigne fol espoir, qui les amanz fait vivre et resjoïr! Desperance fait languir et doloir, et mes fox cuers pense adés a garir, s’il fust sages, il me feïst morir. Por ce fait bon de la folie avoir, qu’en trop grant sens peut il bien mescheoir. |
| V | |
| Chancon ua ten droit ara oul noncier.que serue amors (et) face bel acueil. et chant souuent co(n)me oiselet en brueill. |
Chançon, va t’en droit a Raoul noncier que serve Amors et face bel acueil et chant souvent conme oiselet en brueill. |