| I | |
| De bone amour uient se ance et biaute; et amours uient de ces (deus) autresi. li troi sont un que bien lai esprouue; ia anul ior nen seront depar ti. par un conseil ont ensen ble establi. li coreor qui sont auant ale. de mon cuer ont fet leur chemin ferre; tant lont use ia nen seront parti. |
De bone amour vient seance et biauté, et amours vient de ces deus autresi. Li troi sont un, que bien l’ai esprouvé; Ja a nul jor n’en seront departi. Par un conseil ont ensenble establi li coreor, qui sont avant alé: de mon cuer ont fet leur chemin ferré; tant l’ont usé, ja n’en seront parti. |
| II | |
| Li co reor sont la nuit en clarte; et le iour sont pour la gent oscurci; li douz regart plesa(n)t et sauore; et les granz biens quen madame choisi. nest merueille se ie men esbahi. de li a dex le siecle enlumine. car qui auroit le plus biau ior deste; lez li seroit oscur en plai(n) midi. |
Li coreor sont la nuit en clarté et le jour sont pour la gent oscurci: li douz regart plesant et savoré, et les granz biens qu’en ma dame choisi; n’est merveille se je m’en esbahi. De li a Dex le siecle enluminé, car qui avroit le plus biau jor d’esté, lez li seroit oscur en plain midi. |
| III | |
| En amour a proece et hardement; li dui sont troi et du tierz sont li dui. et g(ra)nt ualeur est a ceus apendant; ou amours a et recet et refui. por cest amours li hospitaus dautrui. que nus ni faut selonc son a uenant. et iai failli dame q(ui) ualez tant: a mon ostel si ne sai ou ie sui. |
En amour a proece et hardement: li dui sont troi et du tierz sont li dui, et grant valeur est a ceus apendant, ou Amours a et recet et refui. Por c’est Amours li hospitaus d’autrui que nus n’i faut selonc son avenant. Et j’ai failli, dame, qui valez tant, a mon ostel, si ne sai ou je sui. |
| IV | |
| Or ni a plus fors quali me conmant; car touz biens fez ai lessie pour celui. ma bele uie ou mamort ia tent; ne sai le quel mes quant deua(n)t li fui. ne me firent onc si oeil point dennui. ainz me uindre(n)t ferir de maintenant. par mi le cors dun amoreus senbla(n)t; oncore iest le coup que ie recui. |
Or n’i a plus fors qu’a li me conmant, car touz biens fez ai lessié pour celui: ma bele vie ou ma mort i atent; ne sai le quel, més quant devant li fui. Ne me firent onc si oeil point d’ennui, ainz me vindrent ferir de maintenant par mi le cors d’un amoreus senblant; oncore i est le coup que je reçui. |
| V | |
| Li cous fu granz il ne fet quenpirier; ne nus mires ne men porroit saner. se cele non qui le dart fist lancier; se de samain idaignoit adeser. tost en porroit le coup mortel oster. o tout le fust dont iai grant desirrier. mes la poin te du fer nen puet sachier; quele bruisa dedenz au coup doner. |
Li cous fu granz, il ne fet qu’enpirier, ne nus mires ne m’en porroit saner, se cele non qui le dart fist lancier. Se de sa main i daignoit adeser, tost en porroit le coup mortel oster o tout le fust, dont j’ai grant desirrier; més la pointe du fer n’en puet sachier, qu’ele bruisa dedenz au coup doner. |