| I | |
|
Amors me fait (con)mencier u
ne chancon nouele quele
me uelt enseignier a amer la plus
bele qui soit ou mont uiuant cest la
bele au cors gent. cest cele dont ie
chant dex men doint tel nouele qui
soit amon talant que menu (et) souue(n)t
mes cuers por li sautele |
Amors me fait conmencier une chanon novele, qu’ele me velt enseignier a amer la plus bele qui soit ou mont vivant: c’est la bele au cors gent, c’est cele dont je chant. Dex m’en doint tel novele qui soit a mon talant! que menu et souvent mes cuers por li sautele. |
| II | |
|
Bien me por roit auancier ma douce da me bele: sele me uoloit aidier a ceste chanconele. ie naim nule riens tant (con)me li seulement. (et) sen afaitement q(ui) mon cuer renouele. amorz me lace (et) prent (et) fait li (et) ioiant por ce qua soi mapele. |
Bien me porroit avancier ma douce dame bele, s’ele me voloit aidier a ceste chançonele. Je n’aim nule riens tant conme li seulement et sen afaitement, qui mon cuer renovele. Amors me lace et prent et fait li et joiant, por ce qu’a soi m’apele. |
| III | |
|
Quant fine amors me semo(n)t m(u)lt me plest (et) agree que cest la riens en cest mont que iai plus desirree. or le mestuet seruir ne men puis pl(us) tenir (et) dou tot obeir plus que riens qui soit nee. sele me fait languir (et) uois iusqau morir mame ensera [s]auuee. |
Quant fine amors me semont, mult me plest et agree, que c’est la riens en cest mont que j’ai plus desirree. Or le m’estuet servir - ne m’en puis plus tenir - et dou tot obeir plus que riens qui soit nee. S’ele me fait languir et vois jusq’au morir, m’ame en sera sauvee. |
| IV | |
|
Se la mieu dre de cest mont ne ma samor donee tuit li amorex diront cia fort destinee sa ce puis ia uenir que ie sanz repentir maioie (et) mon plaisir de li quai tant amee lors diront sans mentir quaurai tot mon de sir (et) ma queste eschiuee. |
Se la mieudre de cest mont ne m’a s’amor donee, tuit li amorex diront ci a fort destinee. S’a ce puis ja venir que je, sanz repentir, ma joie et mon plaisir de li, qu’ai tant amee, lors diront, sanz mentir, qu’avrai tot mon desir et ma queste eschivee. |
| V | |
|
Cele por qui so spir la blonde coloree puet bien dire (et) iehir que por lui sans mentir sest amors m(u)lt hastee. |
Cele por qui sospir, la blonde coloree, puet bien dire et jehir que por lui, sans mentir, s’est Amors mult hastee. |