[c. 10r]
 |
| Li rois de nauare. |
[c. 10v]
 |
| Mi grant desir (et) tout mi grief torment viegnent de la ou tout s(on)t mi penser. grant pauour ai pour cou ke toutes gens. ki ont veu son beau cors esmere. s(on)t si vers li de boine volente. nos diex laime iel sai aentient. g(ra)nt mer Tous esbahis mobli en meruellant ou diex troua si estrange beaute. quant illa mist uelle est q(ua)nt il sen sueffre tant. cha ius entre la gant. molt nous en fist |
 |
| grant deboinairete. trestout le mont en a en lumine. ken sa valour s(on)t tout li bien si grant. nus ne la voit ne vous endie autant. Boine auenture auiegne fol espoir. car fins amans fait viure (et) resioir. desperance fait languir (et) doloir. (et) mes faus cuers me fait quidier garir. sil fust sages il me fesist morir. pour cou fait boin de la folie auoir. quen trop grant sens puet il bien meschaoir. |
 |
| Qui la vauroit souent ramenteuoir il nauroit mal ne lesteust garir. car ele fait trestous les maus valoir cui ele velt bellement acoillir. diex tant me fu grief deli departir amors merci faites li asauoir. cuers qui naime ne puet grant ioie auoir. |
 |
| Sosuiegne vous dame dou douc acoel. ki ia fu fais par si grant desirier. ke norent pas tant de pooir mi oel. ke droit vers vous le peusse lancier. ne ma boce ne uous osoit proier. ne poi dire dame cou ke ie voil tant fui coars chaitis kencor men doel. |
 |
| Dame se ie vous puis mais araisnier. ie parlerai molt miex ke ie ne soel. samors me laist ki trop me maine orguel. Chanco(n) vatent droit arauoul noncier. quil serue amors (et) faice bel acoel. (et) chant soue(n)t com oiselet em broil |