[c. 14v]
 |
| Li rois de nauare Laut(rie)r par la matinee entre .i. bos (et) .i. uergier. une pastore ai tro uee chantant pour soi en uoisier. (et) disoit .i. son premier. chi me tient li maus damors tantost cele part men tor. ke ie loi desraisnier. se li dis |
[c. 15r]
 |
| Mon salu sans demoree me rendi (et) sans targier sanz delaier. belle diex uous doinst boin ior. molt iert fresce (et) colouree se mi plot aacointier bele uostre amor uous quier. saures de moi riche ator ele respont trecheour. s(on)t mais trop li ch(eualie)r. miex aim perri(n) mon bergier ke rice home menteour. Belle ce ne dites mie ch(eualie)r s(on)t trop uaillant. qui set dont auoir amie ne seruir a son talant fors ch(eualie)rs (et) tel gant. mais lamors dun ber geron certes ne uaut .i.boton. partes uous en aitant. (et) mames ie uous cre ant de moi aures riche don. Sire par saintes marie uous parles por noia(n)t |
 |
| mainte dame auront trichie. cil ch(eualie)r sosduiant. trop s(on)t fol (et) mal pensant pis ualent de guenelon ie men uois ens ma maison. ke perrines ki \m/ata(n)t maime de cuer loiaumant abaisies uostre raison. Ientendi b(ie)n la bregiere kele me ueut eschaper. molt li fis longe proiere. mais ni peuc riens conquester. lors la pris aacoler (et) ele giete .i. grant cri. perrinet trahi trahi. dou bois pren dent a huer. ie la lais sans demourer sor mon cheual men parti. Quant ele men uit aler si me dist pour ramprosner ch(eualie)r s(on)t trop hardi. |