[c. 3va]
 |
li rois de nauarre Dame cis uostres fins amis qui tout son cuer a en uos mis. de uos amer est si sorpris. que de ior et de nuit est pris. uos mande que sachiez de uoir. qil uos aime sanz deceuoir. en uos amer na pas mespris. |
 |
Dame quant de uous me souuient. une tel ioie au cuer men uient. quamors me lace qui me tient. uostre douz re gars me soustient. qui soef ma le cuer enble. et souue(n)t me ra il senble que de uos tou |
[c. 3vb]
 |
te ioie uient. Amours aiez de moi merci. que mon cuer qui nest mie ci. fetes ioia(n)t et priez li. que il li souui engne de mi. mes certes u(o)s nen feroiz rien. car ie uous aim seur toute rien. por ce sel metroiz en oubli. Onq(ue)s nus ne uous ama tant com ie faz qui touz iorz entent. auos seruir ueraieme(n)t. por ce sont perdu li amant. que trop leur fetes acheter. ce dont il deuroient chanter dex si fetes pechie trop gra(n)t. Dame merci merci ce(n)t foiz. de moi qui sui ensi destroiz. por uos quor sui chauz or sui froiz. or chant or plor et or souspir. ie conmant auos mon espir; ne sai se merci en auroiz. |