  |
Amours me fait comen cier une chancon nouele. quele me uuet ensoignier a amer la pl(us) bele qui soit ou mont uiua(n)t. cest la bele au cors gent. cest cele do(n)t ie chant. dex men doint tel no- uele. qui soit a mon talant. que menu et souuent mes cuers por li sautele. |
 |
Bien me porroit auancier ma dou ce dame bele. sele me uoloit aidier a ceste chanco(n)ne le. ie nain nule rien tant co(n)me li soulement (et) son afaitement q(ui) mon cuer renouele. amours me lace (et) prent et fait lie (et) ioi- ant por ce qua soi mapele. |
  |
Quant fine amour me semo(n)t mout me plait (et) agree. q(ue) cest la riens en cest mont q(ue) iai plus desirree. or la mestuet seruir. ne men puis plus tenir. (et) du tout obeir plus que rien qui soit nee. sele me fait languir. (et) uois ius- quau morir. mame en sera sau uee. |
 |
Se la mieudre de ce mo(n)t ne ma samour donee. tuit li a moreus diront ci a fort destine e. sa ce puis ia uenir que ie sa(n)z repentir. ma ioie (et) mo(n) plaisir de li quai tant amee. lors diro(n)t sanz mentir quaurai tot mo(n) de sir. et maqueste a cheuee. |
  |
Bele por cui sopir. la blonde coronee. puet bien dire (et) iehir que por li sanz mentir sest amours m(ou)lt hastee. |