|
Ausi conme unicorne sui qui
sesbahist en regardant quant
la pucele ua mirant. tant est
lie de son ennui pasmee chiet
en son giron. lors locit on e(n)-
traison. et moi ont mort dau-
tel senblant amors et mada-
me por uoir. mon cuer ont
nen puis point auoir. Da-
me quant ie deuant uous fui
et ie uous ui premierement.
mes cuers aloit si tressaillant.
que il remest quant ie men-
mui. lors fu menez sanz raen-
con. en la douce chartre en
prison. dont li piler sont de
talent. et li huis sont de biau
ueoir. et li anel de bon espoir.
De la chartir a la clef amors
et si i a mis trois portiers. biau
senblant a non li premiers. et
biaute ceus en fet seignors. dan
gier a mis a luis deuant. un
ort felon uilain puant. qui (i*)
mult est ma(us) et pautoniers.
ci troi sont et uuiste et hardi.
mult ont tost un honme saisi.
Qui porroit sousfrir les tris-
tors et les assauz de ces huisier(s).
onques rollans ne oliviers ne
uainquirent si fors estors. il va
inquirent en conbatant mes
ceus uaint on humiliant. sous-
frirs en est gonfanoiers. en
cest estor dont ie uous di: na
nul secors que de merci. Da-
me ie ne dout mes riens plus:
fors tant que faille auous am(er)*.
tant ai apris a endurer: que ie
sui vostres tout par us. et se
il uous en pesoit bien. ne men
puis ie partir pour rien. que
ie naie le remenbrer. et q(ue) mes
cuers ne soit ades: en la prison
et de moi pres.
|
