[c. 43r]
 |
| Tiebaut roy de nauarra Emperaour ne roy nont nul pouoir en uers amours. de ce nios bien uenter. Il puent bien dou ner de leur auoir terres (et) fies. (et) fourfes pardo(n) |
 |
| ner.. Mais amours puet boi(n)ne demort gar der et donner ioie qui dure. plainne de bonne Amours fait b(ie)n un ho(m)me ualoir miex que nus fors li ne pourroit amander. Le auanture. g(ra)nt desir donne du dous uouloir. tel que |
 |
| nulz hons ne puet autre penser. sur toute riens doit on amours amer en li ne faut que mesure (et) ce q(ue)lle mest trop dure. Samour uoussist guerredonner autant co(m)me elle puet mout fust ces nons adroit mes ne ueut pas dont iai le cuer dolant quensi me tient sans guerredon destroit (et) iesui cilz quoi que le fins en soit qui a seruir motroie empris lai nen |
[c. 43v]
 |
| partiroie. Dame aura ia b(ie)n qui merci atant. u(ous) sauez b(ie)n de moi en par estroit que uostres sui ne puet estre autrement. ie ne sai pas se ce mal me feroit. de tant dessai faites petit desploit Ie ne quit pas quil fust onques mais hons quamours tenist en point plus perilleus tant me destraint que ien pers ma raison. Bien sai (et) uoi que ce nest mie gieus q(ua)nt me moustroit les semblans a b(ie)n cuidai prendre lapie mais encor nelai mie. |