[c. 74va]
Empereres ne rois nont nul pooir en contre amors ice uos uueil prouer quil pueent b(ie)n doner de lor auoir. terres (et) fiez (et) mes faiz pardoner. (et) amors puet home de mort garder (et) doner ioie qui dure Amors fait bien un ho plaine de bone auenture. me mielz ualoir que nus fors li ne porroit ame(n) der les granz desirs done dou doz uolo ir tez que nus hom contrepasser. sor toute rien doit on amors amer en li ne faut fors mesure. (et) ce quele mest trop dure. Samors uolsist guerre doner au tant com ele puet m(u)lt fust ses nons adroit. mes ele ne uelt dont iai le cuer noir. que si me tient sanz gu erredon destroit. (et) ie sui cil quiex que la fins en soit qui a lui seruir sotroie en |
[c. 74vb]
pris lai ne requerroie. Dame aura ia bien qui merci atent. uos sauez b(ie)n de moi au par estroit que u(ost)re fins ne puet estre autrement. ie ne sai pas se ce mal me feroit de tant dessaiz fe tez petit desploit que se ie dire losoie trop me demeure la ioie. Ie ne cuit pas quil onq(ue)s fust mes hom q(ua)mors tenist en point si perilleuz. tant mi de straint que ien per ma reson. bien sent (et) uoi ce nest mie aieus quant me mostroit sez semblanz amoreus b(ie)n cuidai auoir amie mes encor ne lai ie mie. Dame ma mort (et) ma uie est en uos que que ie die. Raoul cil que se rt (et) prie auroit b(ie)n mestier daie. |