| I | |
| Contre le tenz qui de uise. yuer. (et) pluie deste. (et) la mauuis. se deluise. qui de lonc tenz na chante. ferai chancon car agre. me uient. que iai en panse. amours qui e(n) moi sest mise. bien ma droit son dart iete. |
Contre le tenz qui devise yver et pluie d’esté, et la mauvis se deluise, qui de lonc tenz n’a chanté, ferai chançon car a gré me vient que j’ai enpansé. Amours, qui en moi s’est mise, bien m’a droit son dart jeté. |
| II | |
| Douce dame de fran chise. nai ie point e(n) uo(us) troue. sele ne si est pui(s) mise. que ie ne uous esgarde. trop auez u(er)s moi fierte. mes ce fet uostre biaute. ou il na point de deuise. tant en ia grant ple(n)te te |
Douce dame, de franchise n’ai je point en vous trové, s’ele ne si est puis mise que je ne vous esgardé. Trop avez vers moi fierté, més ce fet vostre biauté, ou il n’a point de devise, tant en i a grant plenteté. |
| III | |
| En moi na pas astenance. q(ue) ie puisse aillours penser. fors qua li en (con)noissance. ne m(er)ci ni puis trouu(er). b(ie)n fui fes pour li amer. q(ua)nt ie ne men. p(uis) sao ler. (et) q(ua)nt plus aurai cheance (et) plus la mesteut douter. |
En moi n’a pas astenance que je puisse aillours penser fors qu’a li, en connoissance ne merci n’i puis trouver. Bien fui fes pour li amer, quant je ne m’en puis saoler, et quant plus avrai cheance, et plus la m’esteut douter. |
| IV | |
| Dune rienz. sui en douta(n)ce q(ue) ie ne puis plus celer. que(n) li uoi (un) poi denfance. ce me fet desconforter car sen moi a bon pensser. ne lose ele demoustrer. ce feist quen sasemblance le poisse deuiser. |
D’une rienz sui en doutance que je ne puis plus celer: qu’en li voi un poi d’enfance. Ce me fet desconforter car, s’en moi a bon pensser, ne l’ose ele demoustrer. Ce feïst qu’en sa semblance le poïsse deviser! |
| V | |
| Des que ie li fiz priere. (et) la pris aesgarder. me fist amors la lumiere. par les iex u cuer. entrer. cist (con)duiz me fet greu(er) dont ie ne me soi garder nil ne puet torner arriere. li cuers miex uoudroit creuer. |
Dés que je li fiz priere et la pris a esgarder, me fist Amors la lumiere par les iex u cuer entrer. Cist conduiz me fet grever, dont je ne me soi garder, n’il ne puet torner arriere; li cuers miex voudroit crever. |
| VI | |
| Dame auous mesteut clam(er) (et) que merci u(ous) requiere diex men doint m(er)ci trouuer. |
Dame, a vous m’esteut clamer, et que merci vous requiere. Diex m’en doint merci trouver! |