| I | |
| Conmencerai a fere (un) lai de la meilleur forment mesmay que trop. par ai fet de dolour do(n)t mi chant corront em plour. me re uirge sauouree .se uous fetes demouree. de prier. le haut sei gnour. b(ie)n doi auoir grant pa our. du deable du felon. qui en la noire prison. nous ueut me ner. dont nus ne puet eschaper (et) iai forfet douce dame a perdre le cors (et) lame. se ne maidiez. do(us) diex aiez merciz de mes uilz pe chiez. ou sera merci trouuee se le est de uous refusee. qui tant ua lez. sire droiture oubliez. (et) desten dez uostre corde. (et) uaigne miseri corde. pour nous aidier. nous na uons de droit mestier. quant seur touz estes puissanz. b(ie)n deuez de uoz serganz. auoir merci. biaux douz sire ie uous pri. ne nous metez en oubli. se pitie ne uaint uen iance. dont seronz nous sanz dou tance. trop mal menez. dame plaine de bonte. uostre douz mot sauoure. ne soient pas oublie. p(ri) ez pour nous. iames ne serons rescous. se ne le sonmes par uo(us). de uoir le sai. ci lesserai. (et) diex ]v[ \n/ous doint sanz delai. auoir se cours uerai. amen |
Conmencerai a fere un lai de la meilleur. Forment m’esmay que trop par ai fet de dolour dont mi chant corront em plour. Mere virge savouree, se vous fetes demouree de prier le haut Seignour, bien doi avoir grant paour du deable, du felon, qui en la noire prison nous veut mener dont nus ne puet eschaper. Et j’ai forfet, douce Dame, a perdre le cors et l’ame, se ne m’aidiez. Dous Diex, aiez merciz de mes vilz pechiez. Ou sera merci trouvee, s’ele est de vous refusee, qui tant valez? Sire, droiture oubliez et destendez vostre corde, et vaigne misericorde pour nous aidier. Nous n’avons de droit mestier; quant seur touz estes puissanz, bien devez de voz serganz avoir merci. Biaux douz Sire, je vous pri, ne nous metez en oubli! Se pitié ne vaint uenjance, dont seronz nous sanz doutance trop mal menéz. Dame, plaine de bonté vostre douz mot savouré ne soient pas oublié! Priez pour nous! Jamés ne serons rescous, se ne le sonmes par vous, de voir le sai. Ci lesserai et Diex nous doint sanz delai avoir secours verai! Amen |