Douce dame tout autre pensement q(ua)nt pens a vos oubli en mon | |
coraige des ke vous vic des iez premierement ami puis amors ne fu de moi sauvage ancois ma plus travellie ke devant pour cou voi bien ke garison natant qui masoshaige fors seul de vous remirer des iex dou cuer empensant. Se ie ne puis vers vous aler sovent ne vous poist pas belle cortoise et saige ke ie me douc forment de male gent ki devinant avront fait mai(n)t damaige |
|
et se ie fas dallors amer samblant sacies ke cest sans cuer et sans talant sen soies saige et sil vous devoit peser geli lairoie ancois ester. Sans vous ne puis dame ne ie ne quier ne ia dautrui diex ne me doinst mais ioie car iaim molt miex estre en vostre dangier et soffrir mal kautre bien se lavoie ha.
|
|
secors et esperance damors. Ains riens ne vic en li ne mait navre dun cop parfont asi tres douce lance front boce et nes iex vis fres coloure mains chief et cors et belle contenance ma douce dame et quant les reverres mes anemis ki si fort mont greve par lour poissance kains mais nus ho(n) fust vis quita(n)t amast ses anemis. Chancon va tent a celui ke b(ie)n ses et se li di pour pau our ai chante et en doutance. Mais drois est ke fins amis soit asa dame ententis. |