|
Fueille ne flor ne uaut
riens en chantant. fors por defaut sanz plus de rimoi er. et pour fere solaz uialaine gent. qui mauves moz font souuent aboier. il ne chant pas por aus esbanoier. mes por mon cuer. fere un pou plus ioi ant. quns malade en guerist bien souuent par un confort quant il ne puet mengier |
Fuelle ne flour ne vaut riens en chantant Fars por defaute, sens plus, de rimoier Et pour fere solaz vilaine gent Que les mauves moz font souvent aboier. Je ne chant pas por aus esbanoier, Mes por mon cuer fere un pou plus joiant, q’uns malades en guerist bien souvent Par un confort, quant il ne puet mengier. |
| Qui uoit uenir son anemi corant. pour trere al ui grant saete da cier. bien se deuroit destorner en finant. et desfendre sil pouiot de larchier. et quant amors uie(n)t plus amoi lancier. et mains la fui cert merueille trop grant. quasic recoif le coup entre lage(n)t com se giere touz seus en un uer- gier. |
Qui voit venir son anemi coriant pour trere a lui granz sietes daicier bien se devroit destorneir s’il pooit, de lairchier; quant Amors viennent a moi lancier, moins, c’est merveille trop grant, ensi recoif son coup entre la gent . com se fuille tous souls en un vergier |
| Ie sai de uoir que mada- me aime cent. et plus allez cest pour moi enpirier et ie laim plus que nule riens uiuant. si me lest dex son gent cors en- bracier. car cest la riens que pl(us) auroie chier. et se ie sui parui re a escient. len me devroit trai- ner tout auant. et puis pen- dre plus haut que un clochier. |
Je sai de voir ma dame en aîme cent et plux: cest por moi enpurer. Et je l’aim plux que rien soit vivant, si me doint son gent cors embracier. Ce est la riens que plus avroie chier, et, se j’en seux parjurs a escient, on me devroit trainer tout avant. et puis pendre plus haut que clochier. |
| Se ie li di dame ie uous ami tant. e le dira ie la vueil engig nier. nem moi na pas ne sens ne hardement i que genuers li mosasse des resnier. aier mi fau droit qui mi deuroit aidier. ne parole dautrui ni uaut noi ent. quen feraine conseillier moi amant li quels haut melz ou parler ou lessier. |
Se je li di: “Dame, je vous aim tant”, ele dira je la vueil engingnier, et je n’ai pas ne sens ne hardement Qu’encontre li m’osasse desraineier. Aier me faudroit, qui me devroit aidier, ne parole d’autrui n’i vaut noient. Que ferai conseilliez moi, amant! Li quels vault melz, ou parler ou laissiers? |
| Ie ne di pas que nus aint folement. car li plus fox en fet melz a prisier. mes grant eur ia melz souvent. plus que vait sens ne reson ne pledier. de bien amer ne puet nus enseignier. fors li aiers qui done le talent. bien aime de fin cuer loiavint al en set plus et mains se(n) set aidier. |
Je ne di pas que nus aint folement, que li plus fous en fet aproixier, mes granz eurs mestier souvent plus que n’a sens ne reson de pledier. De bien amer ne puet nus enseignier fors que li cuers, qui done le talent. Bien aime de fin cuer loiaumant, al en set plus et mains s’en puet aidier. |