Tu sei qui

Edizione diplomatica

Schede primarie

[c. 121r]

	Foille ne flors ne valt riens anchantant. ke p(ar) de faus sont plait de flaboeir. (et) por dire sus sa vilai(n)ne gent. ke mains mals font m(u)lt. souant desploeir ie ne chans pais por as anbanoeir. mais por mon cuer faire vn poc plus ioiant. cuns malades an ga rist bien souant. p(ar) un confort cant il ne puet maingier.
	Se ie li di dame ie uos ains tant elle dirait ie la voil angignier. (et) ie lains plus ke

[c. 121v]

	nule rien viuant. se donst deus lou sien cors anbrasier car cest la riens ke iains plus (et) tien chier. (et) se ian seus p(ar) iurs (et) esciant. om me douroit traineir tout auant. (et) puis pandre plus halt ca vn clochier.
	Bien sai deuoir ma dame an emmet cent. (et) plus aseis. cest por moi corresier. (et) ie na pais ne cent ne har demant car anver li mosier derainier. il mi fat cuer ke mi douroit aidier. ne parolle datrui ni valt nia(n)t can fera ieu consilliez moi amant. li keils ualt miez ou p(ar)leir ou laissier
	Ki voit uenir son anemin corrant. por traire ali grant siete dacier. bien se douroit destorneir an fuant. (et) garantir cil peoit de ]lacier[ [1] larchier mais cant plus vient amoi lancier. moi(n)s la
	redoute cest folie trop grans. casi resoit son cop antre la gent com ie fuise tous sous an (un) uer

[c. 122r]

gier

[1] Il copista commette un errore di ripetizione, reiterando la lezione lacier presente due versi prima, favorito dalla prossimità grafica e fonetica tra la lezione erronea e la corretta larchier (il medesimo errore è del resto commesso da B, Mt, O). Il copista di U tuttavia se ne avvede e corregge mediante deppennamento.