[c. 17v]
 |
| li rois de Nauare. Foille ne flors ne uaut riens en chantant. ke pour defaut sans plus de rimoier. [et] pour faire solas uilaine gent. qui mauuais mos font souent abaier. ie ne chant pas pour aus esbanoier. mais por mon cuer faire .i. poi plus ioiant. cuns malades en garist b(ie)n souant |
 |
|
Ki uoit uenir son anemi courant pour traire a lui pour .i. confort quant il ne puet mangier. grant saietes dachier. il se deuroit trestorner enfuiant. (et) garandir sil pooit de larchier. mais q(ua)nt amors uient plus amoi lancier. (et) mai(n)s la fui cest meruelles trop grans kausi recoif son cop uoiant la gent. come se giere tous seus en .i. uergier. |
 |
|
Ie sai de uoir ke ma dame aime cant (et) plus ases cest por moi corecier. mais ie laim plus ke nus tres duremant. si me doinst diex son beau cors enbracier. ce est la riens ke plus auroie chier (et) se ien sui par iurs aenciant. on me deuroit trainer tout auant (et) puis pendre plus haut ke nul clochier. |
 |
|
Se ie li di dame ie uous aim tant. ele dira ie la uoil engignier. ne ie nai pas ne sens ne hardement ken contre li mosaisse desraignier. cuers me fauroit qui me deuroit aidier. ne parole dautrui ni uaut noient. ke ferai iou consellies men amant li quels uaut miex ou atendre ou laisier. Ie ne di pas ke nus aint foleme(n)t [c. 18r] |
 |
|
ke li plus faus enfait miex aprisier. mais grans eurs ia mestier soue(n)t plus ke na sens ne raison de plaidier. de bie(n) amer ne puet nus ensegnier. fors ke li cuers ki done le talant qui plus aime de fin cuer loiaument. cil enset plus (et) mai(n)s sen set aidier. |
 |
| Dame merci uoillies cuidier itant. ke ie uous aim riens plus ne uous demanc. ues le forfait dont ie uous uoil proier. |