[c. 19 v. C]
 |
Ie no ne uoi pas nului qui gieut ne chant. ne uolen - tiers face feste ne ioie. (et) por ce ai demore longuement. q(ue) nai chante ensi con ie soloie. ne ie naurai eu comandeme(n)t. et por ice sai ie dit folement. en ma chancon de ce q(u)e ie vo - droie. ne men doit on repren - |
[c. 19 v. D]
 |
dre malement; Grant pechie fait qui fin a mi reprent. nil naime pas qui por diz se chastoie. et la costume est tex defins ama(n)z plus pense ali (et) il plus se des roie. qui en amor atout cu - er (et) talent. il doit soufrir bie(n) (et) mal merciant. et qui en si nel fait il se foloie. ne ia naura grant ioie ason uiua(n)t; Si mait diex onques nului ne vi tres b(ie)n amer. qui sen poist re traire. (et) cil est fox. (et) fel (et) plainz dennui. qui autrement veut mener son affaire. hai sauiez este la ou ie fui. douce dame sai(n)z rienz dam(er) (con)nui. vostre finz cuers. qui si pert debonnaire. auroit merci sonques rienz lot dautrui Qvant plus menchauce amors (et) plus la fui. cist max est b(ie)n a touz autres (con)traire. que q(ui) aime ainz diex ne fist celi ne cuit sou - vent de ses maux ioie faire de u(ous) amer. onques ne me recrui. p(us) cele eure dame q(ue) uostres fui que mes finz cuers vous fist tant a |
[c. 20 r. A]
| moi plaire. dont maugre soi de ce que ien le crui. Si sui pensiz q(ue) ne sai q(ue) ie quier. fors q(ue) merci dame sil u(ous) agree. q(ue) b(ie)n sauez ia niert en reprouuier. dorgueilleux cuer bonne chanson chantee. mes par pitie se doit on - essaucier. ne ia orguex ne si doit hebergier. la ou il a damors tel renonmer. ainz doit le sien b(ie)n fe - re (et) auancier. Chanson dili que tout ce na mes tier. que sele auoit .c. foiz mamort iuree. si mesteut. il remaindre a son dangier. |