 |
La comtessa didia. xxxi. A chantar mer da so quieu uolria. Tant me rancur de lui cui sui amia. Quar eu lam mais de nulla ren q(ue) sia. ues lui nom ual merces ni cortesia. ne ma be utatz ni mos pretz ni mos sens. Quatressim sui enganada etraida. Cu(m) degra esser sim fos desauinenz. Daissom conort car anc no(n) fis faillensa.
|
 |
Amics uas uos per nuilla captenensa. Anc uos am mais non fes seguis valensa. E platz me molti que eu damor uos uensa. lo mieus amics. Quar es lo plus ualenz. mi faitz orguoill en dit et paruensa. Esi ses francs ues totas autras genz. Merauill me con uostre cors sorgoilla. Am ics ues me p(er) cai razon quem duoilla. No(n) es geis dregs quautramors uos me tuoilla. p(er) nuilla ren queus digua nios acuoilla. Emenbre uos cals fol comensam(en)s. De uo stramor damezdieus non uoilla. Qen mas colpas sial departimens. |