|
En chantant uueil mado- lor descouurir: quant perduai cequeplus desirroie. las si ne sai que puissedevenir.que mamors est ce dont gespoireioie.si mes touura atel dolor morir.q(an)t ienepuis ne uoer neoir : la belerien a qui ie matendoie. |
En chantant vueil ma dolor descouvrir, quant perdu ai ce que plus desirroie. Las, si ne sai que puisse devenir, que m’amors est ce dont g’espoire joie ; si m’estouvra a tel dolor morir, quant ie ne puis ne voer ne oir la bele rien a qui ie m’atendoie. |
|
Quant men souuient grief men sont li souspir : et cest touz iorz ne ia nen recrerroie. pour li mestuetmaintes genz obeir : que je ne sai se nusua cele uoie.mes se nus puet a bone amor uenir.par bien am etloiaument seruir : ie saide- uoir quencore en aurai ioie. |
Quant m’en souvient, grief m’en sont li souspir, et c'est touz jorz ne ja n’en recrerroie pour li m’estuet maintes genz obeir, que ie ne sai se nus va cele voie ; mes se nus puet a bone amour venir, par bien amet loiaument servir, ie sai de voir qu’encore en aurai joie. |
|
Mi chant sont tuit plains dire etdedolor*pour vos da- me que iailonc tens amee. q(ue) ie ne sai se ie chant ou ie plor* ensi mestuet souffrir ma des- tinee mes sedieu plest encor uerrai le ior quamors sera cha(n) giee en autre tor. si uosdonra uers moi meillor pensee.Sou- |
Mi chant sont tuit plains d’ire et de dolor, pour vos dame que i’ai lonc tens amee, que ie ne sai se ie chant ou ie plor; ensi m’estuet sousfrir ma destinee mes, se dieu plest, encor verrai le jor qu’amors sera changiee en autre tor si vos donra vers moi meillor pensee. |
|
uiengne uous dame de bone amor : que loiautez ne vos ait oubliee. que ie me fi tant en vostre ualor : quades mest uis que merci ai trouuee. etnepor- quanti e muir et nuit et jor. or uous dont de(us) por ost(er) ma dolor. que par uous soit mire reconfortee.Dame bie(n) uueil |
Souviegne vous, dame, de bone amor que loiautez ne vos ait oubliee, que ie me fi tant en vostre valor qu’ades m’est vis que merci ai trouvee, et ne por quant ie muir et nuit et jor, or vous dont deus, por oster ma dolor, que par vous soit m’ire reconfortee. |
|
que uous sachiez de uoir : con ques par moi ne fumes dame amee.ne ia de uous ne me qier mes mouuoir : mon cuer iai et mentente atornee. ie nai mestier dame de deceuoir.q(ue) de tel mal ne me sueil pas do loir.ne mesfreez sil uos plest a lentree. |
Dame, bien vueil que vous sachiez de voir c’onques par moi ne fu mes dame amee ne ja de vous ne me quier mes mouvir, mon cuer i ai et m’entente atornee ie n’ai mestier, dame, de decevoir, que de tal mal ne me sueil pas doloir. Ne m’esfrez s’il vos ples à l’entrée. |
|
Chancon va ten garde ni remanoir. prie celi qui plus ia pouoir : que tu soies souuent par li chantee. |
Chanson va t’en garde ni remanoir! Prie celi qui plus i a pouoir, que tu soies souvent par li chantee. |