| I | |
|
En chantant uueil mado- lor descouurir.ˇ quant perdu ai ce que plus desirroie. las si ne sai que puisse deuenir que mamors* est cedont gespoire ioie. si mes touura atel dolor morir. q(ua)nt ie ne puis ne uoer ne oir: la bele rien a qui ie matendoie. |
En chantant vueil ma dolor descouvrir, quant perdu ai ce que plus desirroie, las, si ne sai que puisse devenir, que ma mors* est ce dont g'espoire joie, si m'estouvra a tel dolor morir, quant je ne puis ne voer ne oïr la bele rien a qui je m'atendoie. |
| II | |
| Quant men souuient grief men sont li souspir.ˇ et cest touz iorz ne ia nen recrerroie pour li mestuet maintes genz obeir.ˇ que ie ne sai se nusua cele uoie. mes se nus pueta bone amor uenir. par bien am(er) et loiaument seruir.ˇ ie sai de- uoir quencore en aurai ioie
|
Quant m'en souvient grief m'en sont li souspir, et cest tous jorz ne ja n'en recrerroie. Pour li m'estuet maintes genz obeir, que je ne sai se nus va cele voie, mes se nus puet a bone amor venir, par bien amer et loiaument servir, je sai de voir qu'encore en aurai joie. |
| III | |
| Mi chant sont tuit plains dire et de dolor: pour uos da- me que iailonc tens amee. q(ue) ie ne sai se ie chant ou ie plor.ˇ ensi mestuet sousfrir ma des- tinee mes se dieu plest encor uerrai le ior. quamors seracha(n) giee en autre tor. si uos donra uers moi meillor pensee. |
Mi chant sont tuit plains d'ire et de dolor, pour vous, Dame, que j'ai lonc tens amée, que je ne sai se je chant ou je plor, ensi m'estuet sousfrir ma destinée mes se Dieu plest encor verrai le jor qu'amors serà changiée en autre tor, si vos donra vers moi meillor pensée. |
| IV | |
| Sou- uiengne uous dame de bone amor.ˇ que loiautez ne uos ait oubliee. que ie me fi tant en oubliee. que ie me fi tant en uostre ualor.ˇ quades mest uis que merci ai trouuee.etnepor- quant ie muir et nuit etior. or uous dont de(us) por ost(er) ma dolor.que par uous soit mire reconfortee. |
Souviegne vous Dame de bone amor, que loiautez ne vos ait oubliée, que je me fi tant en vostre valor, qu'adés m'est vis que merci ai trouvée et ne por quant je muir et nuit et jor. Or vous dont Deus por oster ma dolor, que par vous soit m'ire reconfortée. |
| V | |
| Dame bie(n) uueil que uous sachiez de uoir: con ques par moi ne fu mes dame amee. ne ia de uous ne me q*er mes mouuir.ˇ mon cuer iai et mentente atornee. ie nai mestier dame de deceuoir. q(ue) de tel mal ne me sueil pas do- loir. ne mesfreez sil uos plest a lentree. |
Dame bien vueil que vous sachiez de voir c'onques par moi ne fu mes dame amée ne ja de vous me qier m'esmouvir. Mon cuer j'ai et m'entente atornée, je n'ai mestier, Dame, de decevoir, que de tel mal ne me sueil pas doloir, ne m'esfreez, s'il vos plest, a l'entrée. |
| VI | |
| Chancon ua ten garde ni remanoir. prie celi qui plus ia pouoir.ˇ que tu soies souuent par li chantee. |
Chanson va, t'en garde ni remanoir! Prie celi qui plus i a povoir, que tu soies souvent par li chantee. |