Stimming

Versione stampabilePDF version

I.
Pro ai del chan essenhadors
entern mi et ensenhairitz:
pratz e vergiers, albres e flors,
voutas dauzelhs e lais e critz,
per lo dous termini suau, 
quen un petit de joi mestau;
den nulhs deportz nom pot jauzir
tan cum solatz damor valen.

II.
Las pimpas sian als pastors,
et als enfans bordeitz petitz,
e mias sion tals amors,
don ieu sia jauzens jauzitz;
qnieu la sai bona tot aitau
ves son amic en greu loguau 
[per so sui trop soen marritz,]
quar non ai so qual cor naten.

III.
Luenh es lo castelhs e la tors,
ont elha jai e sos maritz,
e si per bos cosselhadors
cosselhan no sui enantitz,
quautre cosselhs petit men vau,
aitant nai fin talan corau:
al res noi a mais del murir,
salquun joi non ai en breumen.

IV.
Totz los vezis apel senhors  
del renh, on sos jois fo noiritz,
e crei, quem sia grans honors,
quar ieu dels plus envilanitz
cug que sion cortes, lejau;  
ves lamor, quins el cor menclau, 
ai bon talant e bon albir
e sai, quilh na bon escien.

V.
Lai es mos cors si totz, calhors
non a ni sima ni raitz,
et en dormen sotz cobertors
es lai ad lieis mos esperitz;
e samors mi revert a mau,
car ieu lam tant e liei non cau;
tost verai ieu, si per sufrir
natendrai mon bon jauzimen.

VI.
Ma voluntatz sen vai lo cors
la nueit el dia esclarzitz
laintz per talant de son cors;
mas tart mi ve e tart mi ditz:
«amicx, fas elha, gilos brau  
an comensat tal batestau,
que sera greus a departir,
tro quabdui en siam jauzen».

VII.
Per so men creis plus ma dolors,
car ieu au lieis en luecs aisitz,  
que tan no fauc sospirs e plors,
que sol baizar per escaritz,
quel cor mi tengues san e sau;
bona es lamors e molt per vau,
e d’aquest mal mi pot guerir, 
ses gart de metge sapien.