| I | |
| Lautre nuit en mon dor mant fui en grant doutance. dun gieu parti en chantant et en grant doutance. quant amors me uint deuant. qui me dist que uas querant. trop as corage mouuant. ce me mu et denfance. |
L’autre nuit en mon dormant fui en grant doutance d’un gieu parti en chantant et en grant doutance, quant Amors me vint devant, qui me dist: «Que vas querant? Trop as corage mouvant; ce me muet d’enfance». |
| II | |
| Lors tressailli durement en grant esmai ance. dis li dame se gentent ama grant pesance. cest por uostre faus senblant. qui ma mort si cruelment. partir uuel de uostre gent par vostre es loignance. |
Lors tressailli durement; en grant esmaiance dis li: «Dame, se g’entent a ma grant pesance, c’est por vostre faus senblant, qui m’a mort si cruelment. Partir vuel de vostre gent par vostre esloignance». |
| III | |
| Il naura ia so(n) uouloir a longue duree. qui pour mal ne paine auoir cha(n) ge sa pensee. oncor ten pues pou doloir. mult doit auoir le cuer noir. qui por fere son pouoir pert sa desirree. |
«Il n’avra ja son vouloir a longue duree qui pour mal ne paine avoir change sa pensee; oncor t’en pues pou doloir. Mult doit avoir le cuer noir qui por fere son povoir pert sa desirree». |
| IV | |
| Nai es si le cuer desue mes en moi te fie. qui est en ma pooste plus mauues nest mie. ainz a. cent tanz plus bonte. plus ualor plus largete. tost taurai guerredone met ten ma baillie. |
«N’aies si le cuer desvé, més en moi te fie! Qui est en ma pöosté plus mauves n’est mie, ainz a cent tanz plus bonté, plus valor, plus largeté. Tost t’avrai guerredoné; met t’en ma baillie!» |
| V | |
| Tant mauez biau sarmone que ne lerai mie. que ne face uostre gre; mon cuer et ma vie. met en uostre volente. maugre ceus qui mont melle. auos qui iai creante a estre en aie. |
«Tant m’avez biau sarmoné que ne lerai mie que ne face vostre gré. Mon cuer et ma vie met en vostre volenté, maugré ceus qui m’ont mellé a vos, qui j’ai creanté a estre en aïe. |
| VI | |
| Or uos pri merci pour de. que cil qui tant a ame a uos sumilie. |
Or vos pri merci pour Dé! que cil qui tant a amé a vos s’umelie». |