Tu sei qui

Edizione diplomatica

Schede primarie

Raembaut.
P Eire rugier atrassillir.
Mer per uos los diz el conuenz.
Qieu si amidonz toz dolens.
de chantar qem cuigei sofrir.
E possai nes a mi uenguz.
C hanterai sinai estat muz.

Q e non uuilh remaner confes.

M out ous dei lauzar e grazir.
Q aranc uos uenc cor ni talenz.
D e uezer mos captenimens.
E uoilh qem sapchaz alqes dir.
E ia lauer non sia escuz.
S en sui auols ni recresuz.
Q ue pel uer non passez ades.

C arqi per auer uol mentir.
A quel lausar es blasmamens.
E t es trop mals ensegnamens.
E fas uas lagent es carnir.
G reu er en diz bos faiz saubuz.
M as per fach est tost conoguz.
E per fag uen lo dir a pres.

P Er mi uolez mon no(n) auzir.
C al son odruz er clau las de(n)z.
Q a des pueia mos pensame(n)s.
P lus deprion e mon co(n)sir.
B en uoilh sapchaz qe no(n) son druz.
P ero qan car non son uolgutz.
M as ben am sol midonz mames.

P Eire rugier com puesc sofrir.
Q eu am aisi solamens.
M eraueillj me ses auinens.
T ort ai sim fai midons morir.
S eu muer per leis farai u(e)tuz.
P er qeu cre qe si fos perduz.
D reiz fora qe plus me noges.

E Ral uen en cor quem aizir.
M asian fan q(e)r autres sos se(n)s.

Q aitals es sos en tendimens.
P er qeu li dei toz temps grazir.
P el ben qem nes es caeguz.
J amais non na uenges saluz.
L i dei toz temps estar als pes.

S J m uolgues daitan co(n)sentir.
Q e fos toz temps sos en tendenz.
A beldiz nestera iauçens.
E feram sos prez es iauzir.
E degran ben esser creguz.
Q eu non dic tant qem fos creguz.
M as dum bel respet qem uis qes.

B on respeit daut bas son cauz.
E si non era sa uertuz.
P er conseilh li don qem pengues.