[c. 3v]
 |
| Li rois de nauarre. Contre le tans ki deuise yuer (et) pluie deste et la mauvis se debrise ki de lonc tans na chante. ferai chancon car agre me vient que iai en pense amours ki en moi sest mise. bien ma droit son dart gete. Douce |
 |
| dame de francise nai ie point en uos troue. sele ne siest puis mise que ie ne uos esgarde. trop aues uers moi fierte. mais ce fait uostre biaute ou il na point de deuise tant en ia g(ra)nt plente. En moi na pas astenance q(ue) ie puisse aillors penser fors ca li ou conissance. ne merci ne puis trouer bien fui fais pour li amer. car ne men puis saoler (et) q(ua)nt plus aura chean che plus la me couient douter. Dune riens sui endoutance que ie ne puis plus celer. ken li nait (un) poi denfance. ce me fait desconforter. que |
[c. 4r]
 |
| samoi a bon penser. nel ose ele demoustrer. si feist ca sa samblance li poise de deuiner. Des ke ie li fis proiere (et) la pris aesgarder me fist amours la lumiere. des ielx par le cuer passer. cis (con)duis me fait greuer. dont ie ne me sai garder. nil ne poet torner arriere. li cuers miex vaudroit creuer. Dame a uos me voel clamer (et) q(ue) merci vos requiere diex mi laist pitie trouer. |