[c. 50r]
 |
| De bone amor uient science (et) bonteis (et) amors uient de ces dous li rois de naiuarre autresi. tuit troi sont dun ke bien iai penseit. ne iai nul ior ne seront |
[c. 50v]
 |
| departi. por (un) consoil cont ensemble establi. li courreour ki deuant sont aleit. de mon cuer ont fait le chamin ferreit. tant lont useit iai nen Li courreour sont de nuit en clairteit. (et) de iors sont por les gens obscurci. li douls resgairt plaixant et sauoreit. (et) la seront parti. biaulteis (et) li bien ke gi ui. nest merueille sel resgairt mes bahi. de li ait deus le siecle enlumineit. car ki uairoit le plus biaul desteit. uers li seroit obscurs endroit meidi. Or niait plux fors cali me come(n)t. car tous biens fais ai laissies por cestui. ma belle mort ou ma ioie iatant. ne sai lou keil des ke dauant li fui. lors ne me firent sui biaul eul poent danui. ains me uinrent ferir tout maintenant. p(ar) mei lou cuer dun ame rous semblant. eincor iest lou cop ke ien resu. Li cos fut gr(an)s se ne fist kenpirier. ne nuls mires ne men poroit saneir se celle non ke lou dairt fist lancier. se de samour ideignoit aseneir. tost en poroit le coup morteil osteir. atout le fust dont iai grant desirier. maix la poente nen poroit nuls saichier. kelle brixait dedens a coup ferir. |