[c. 85 v.]
 |
| thiebaus li rois de nai vaire Ge ne uoy maix nelui ke iut ne chant. ne uolentiers faice feste ne ioie. (et) por ceu ai demoreit longuement. ke ne chantai ensi com
ie souloie. ne ie nen ai eu comandement. (et) por iceu se ie di folement. en ma |
 |
| fin amin reprent. nil nai(m)me pais ke por dis se chastoie. (et) la custume est teils de fin amant. plux pance ali (et) il plux se desroie. ki en amor ait tout cuer (et) talent. il doit souffrir bien (et) mal merciant. (et) qui ensi nel fait il se foloie. ne iai naurait g(ra)nt ioie ason viuant. Si maist deus el mont ne uoi nulluj. ki tres bien aint kil sen puisse retraire. (et) cil est folz (et) fel (et) plains danuj. ki atre - ment ueult moneir son afaire. ha sauies esteit la ou ie suj. douce dame sans riens damors conut. v(ot)re douls cuers ke si peirt debonaire. auroit mercit son - |
[c. 86 r.]
 |
| kes riens lout dautruj. Q(ua)nt plux menchaice amors (et) moins len fu. cist mals est bien a tous autres contraires. cil ki ai(m)me ains deuz ne fist celuj. nestuet soue(n)t de cez mals ioie faire. de uos ameir onkes ne me recrui. pues icelle houre dame ke uostres fuj. ke mes fins cuers uos fist tant amoy plaire. boen greit men sai de ceu ke ie len cruj. Si seux pensis. ke ie ne sai ke kiere. fors ke mercit dame sil |
 |
| uos agree. (et) bien saueis iai niert en reprouier. dorguillous cuer bone chanson - chantee. maix per pitiet se doit on essaucier. ne iai orguels ne se doit herbegier. Iai ou il ait de bien teil renomee. ains doit Ie sien bien faire (et) auancier. Cha(n) - son di li ke tout ceu nait mestier. ke celle auoit cent fois ma mort iuree. se me - stuet il remaindre en son daingier. |