 |
[c.146vB] Bernart del ue(n)tador P Eirols comauez tant estat. Q(ue) non fezes uers ni canson. Respondez mi per cal rason. Reman que non auez chantat. So laissaz per mal o per be. per ira o per ioi op(er) que. Q(ue) saber en uoill lauertat. B ernaz chantars nom uenagrat. Ni gai re nom plaz nim sabon. Mascar uolez Nostra tenson. Nai era mon talan forsat. Pauc ual chanz qe dal cor noue. Epuois iois da mor laissa me. Euai chan e de port laissat. P eirols mout fezes gran foudat. Solaissaz per tal occaisson. Sieu agues aut cor fel |
 |
[c.147rA] lon. Morz fora un an apassat. Qen qier non puosc trobar merce. Ges p(er) tan de chan nom recre. Car doas p(er)*das nomanat. B ernarz ben ai mon cor mudat. Q(ue) totz es autres qanc non fon. Non chanta rai mais emperdon. Mas de uos uoill cha(n) tar iase. De selleis qengrat no uos te. Eq(ue) p(er)das uostra mistat. P eirols mainz bos moz nai trobat. Del leis qanc us no men tenc pro. Ela serf acor de leon. No maies tot lo mon ser rat. Qien sai tal una per ma fe. Qam mais sim baissar mi coue. Q(ue) delleis sil ma gues donat. B ernarz ben es acostumat. Q(ui) mais no(n) pot caisso perdon. Ela uolps al serier diso. Qan lac de totas parz sercat. la serei sas uit loing de se. Edis que non uali on re. Atressi maues uos gabat. P eirols sereisas sunt obe. Mas mal aia eu si iacre. Qe la uolps no aia tastat. B ernarz nomen tramet de re. Mas pes sam de ma bona fe. Car non iai ren gazaingnat. |