 |
| Arnautz daniells. S im fos amor de ioi donar tan laria. com iu son lei dauer fin cor (et) franc. ia p(er) gran be no(m) calgra far enbarc quiu am tant autz que spes mi pueg em plo(m) ba (et) quant malbir com es de pretz el som. mout menam mais quar anc lauzei uoler qeras sai eu de mos cors (et) mos senz mi faran far lur grat ricca co(n)questa. |
 |
| S i ben faz long esper nomenbaria qen ta(n)t ric loc me son mes e estanc. don libelz digz meteron de ioi larc (et) serai ta(n)t com me port ala to(m)ba. quiu no(n) son zel qe lais aur p(er) plom. (et) pois no(n) tahin com enleis rem esmer. tant liserai sers obedie(n)z tro de samor baizan sil platz miuesta |
 |
| S a gran ualor el ric pretz medescaria. dels greus sospirs don me dolon le flanc. car en paz prenc lafan elsufrel parc. car de beutatz son las autras enco(m)ba. car lagenser par qaia pres un tom pl(us) bas delieis qui la ue e es uer. car totz bos aibz iois (et) so llatz (et) senz. reinon enleis cus no(n) es mehins niresta. |
 |
| E pos tant ual cuiatz doncs qe se sparia. mos deziriers niques for qe nis branc. no(n) serai mieus ni sieus si ia me(n) parc simaiut zel ques mostret en colo(m)ba. que tot lomo(n)d non es hom de nuilh nom. tan finamen desir gran ben auer. com iu faz lieis etemh enz los deuinans cui dans de drutz es festa. |
 |
| F als lausengiers fuecs las lengas uos aria. e que p(er)datz ambs los oilz de mal cranc. car p(er) uos son estrai caualz e marc. amor tolez qa pauc deltot non to(m)ba. co(n)fonda us (et) sai uos dir com. qe us faz als drutz mal dir (et) uer tener. car p(er) uos es pretz cazutz (et) iouenz. (et) es peior cant hom uos namonesta. |
 |
| N a mielz deben ia nom siatz auar ia. qen uostr amor me tro baretz totz blanc. quiu no(n) ai cor ni poder qem descarc. del ferm uoler qe non es dereto(m)ba. que cant mesueilh ni clau losoilz del som uostre remanc cant leu niuau iazer. (et) nous cuges que nabais mos talenz. no(n) fara el caral sent elatesta. |