| Arnaut | Arnaut |
| I | |
| S em fos amors de ioi donar tan laria. com soi alei dauer cor fin (et) franc. J a per amar non uolgra far embarc. Q e am tant aut qe spers me pui en tonba. M as qan albir cum es de pres al som. T rop men am mais car anc lause uoler. Q era sai ben qe mon cors (et) mons senz. M e faran far lor grat ricca conqesta. |
Se.m fos amors de ioi donar tan laria, com soi a lei d'aver cor fin et franc ia per amar non volgra far embarc qe am tant aut q'espers me pui'en tonba. Mas qan albir cum es de pres al som trop m'en am mais car anc l'ause voler q'era sai ben qe mon cors et mons senz me faran far, lor grat ricca conqesta. |
| II | |
| P ero seu faz lonc esper nomenbaria. Q en tan ric loc me soi mes (et) mestanc. D om li bel diz me terran de ioi larc. E t segrai tant com me port a la tonba. Q eu non soi ges cel qe lai aur per plom. E t pos en leis nos tang com ren esmer. T ant li serai fis (et) obedienz. T ro de samor sell plaz baissan menuesta. |
Pero s'eu faz lonc esper no m'enbaria q'en tan ric loc me soi mes et m'estanc dom li bel diz me terran de ioi larc et segrai tant c'om me port a la tonba; q'eu non soi ges cel qe lai aur per plom et pos en leis no.s tang com ren esmer tant li serai fis et obedienz tro de s'amor, s'ell plaz, baissan m'envesta. |
| III | |
| L a granz ualors el fins prez me descharia. D el greu sospir don me dolon li flanc. Q ar en pais pren laffan el sofrel parc. P ois de beltat son las autras en tonba. Q e la genzer par caia pres un tom. P lus bas de leis qi las ue (et) es uer. C ar tuit bons aips ioi (et) ualors (et) senz. R eg hom ab leis cuns non es mens nim resta. |
La granz valors e.l fins prez me descharia del greu sospir don me dolon li flanc qar en pais pren l'affan e.l sofr'e.l parc pois de beltat son las autras en tonba qe la genzer par c'aia pres un tom plus bas de leis, qi las ve et es ver, car tuit bons aips, ioi et valors et senz reg hom ab leis c'uns non es mens ni.m resta. |
| IV | |
| E T pois tan ual cuiaz dones qe sesparia. M os deziers ni qes foiz ni ses branc. N on serai meus ni seus se ia men parc. S e maiut cel qes mostret en colunba. Q en tot lo mon non es hom de nul nom. Q aissi desir de li granz ben auer. C um eu faz leis mas feng men no(n) chalenz. P els deuinans cuidans dels druz enfesta. |
Et pois tan val cuiaz doncs qe s'esparia mos deziers ni qe.s forz ni s'esbranc? non serai meus ni seus se ia men parc se m'aiut cel qe.s mostret en colunba q'en tot lo mon non es hom de nul nom q'aissi desir de li granz ben aver cum eu faz leis mas feng men non chalenz. pels devinans cui dans dels druz enfesta. |
| V | |
| N a melz de ben ia non siaz auaria. Q en uostramor me trobarez tot blanc. Q eu non ai cor ne talent qem descarc. D el ferm uoler qe nes pas de retomba. Q e qant esueill ni clau les iollz del som. U ostre remaing can lau en uau iazer. E t donc cuiez qes nabais mol bilens. N on ferai ges tals sen sent en la testa. |
Na Melz-de-ben ia non siaz avaria q'en nostr'amor me trobarez tot blanc q'eu non ai cor ne talent qe.m descarc del ferm uoler qe n'es pas de retomba qe qant esveill ni clau les iollz del som vostre remaing can lau en vau iazer et donc cuiez qe.s n'abais mol bilens? non ferai ges tals sensent en la testa. |
| VI | |
| F als losengiers foc las lenguas uos aria. E t qe fosaz tuit ferit de mal cranc. Q ar per uos son estrat cauals (et) marc. A mor tolez capauc de ioi non tomba. C onfondaus deus car ges no sabez com. V os faiz als druz maldir (et) uil tener. M als astres es qeus teng desconoiscenz. Q ar peiors es com plus uos amonesta. |
Fals losengiers foc las lenguas vos aria et qe fosaz tuit ferit de mal cranc, qar per vos son estrat cavals et marc: Amor tolez c'a pauc de ioi non tomba. Confonda.us Deus car ges no sabez com, vos faiz als druz maldir et vil tener; mals astres es qe.us teng desconoiscenz qar peiors es com plus vos amonesta. |
| VII | |
| A rnaut a fait (et) fara lons arenz. C ab soffrir fan pros hom ricca (con)questa. |
Arnaut a fait et fara lons arenz c'ab soffrir fan pros hom ricca conquesta. |