| I | |
| Lautre nuit en mon dor mant; fui en grant dotance. dun gieu parti en chantant; et en grant balance. quant amors me uint deuant. qui me dist que uas querant. trop as corage mouuant ce te uient denfance |
L’autre nuit en mon dormant fui en grant dotance d’un gieu parti en chantant et en grant balance, quant Amors me vint devant, qui me dist: «Que vas querant? Trop as corage mouvant; ce te vient d’enfance». |
| II | |
| Lors tressailli durement; en grant esmaian ce. dis li dame se gentent; a ma grant pesance. cest par uo stre faux senblant. qui ma mort si cruelment; partir uueil de uostre gent par uostre esloignance. |
Lors tressailli durement; en grant esmaiance dis li: «Dame, se g’entent a ma grant pesance, c’est par vostre faux senblant, qui m’a mort si cruelment. Partir vueil de vostre gent par vostre esloignance». |
| III | |
| Il naura ia son uoloir; a longue duree. qui por mal ne por auoir; change sa pe(n) see. oncor ten pues pou doloir. mult doit auoir le cuer noir. q(ui) por fere son pouoir; pert sa desir ree. |
«Il n’avra ja son voloir a longue duree qui por mal ne por avoir change sa pensee; oncor t’en pués pou doloir. Mult doit avoir le cuer noir qui por fere son povoir pert sa desirree». |
| IV | |
| Naies si le cuer desue; me(s) en moi te fie. qui est en ma po oste; plus mauues nest mie. ai(n)z a cent tanz plus bonte. plus ualor plus largete. tost taurai guerredone; met ten ma bail lie. |
«N’aies si le cuer desvé, més en moi te fie! Qui est en ma pöosté plus mauvés n’est mie, ainz a cent tanz plus bonté, plus valor, plus largeté. Tost t’avrai guerredoné; met t’en ma baillie!» |
| V | |
| Tant mauez biau sarmo ne; que ne lerai mie. que ne fa ce uostre gre; mon cuer et ma uie. met en uostre uolente. maugre ceus qui mont melle. auous qui iai cre ante a estre en aie. |
«Tant m’avez biau sarmoné que ne lerai mie que ne face vostre gré. Mon cuer et ma vie met en vostre volenté, maugré ceus qui m’ont mellé a vous, qui j’ai creanté a estre en aïe». |