[c. 6va]
 |
Chanson ferai. que ta lens men est priz. de la meil leur. qui soit e(n) tout le mont. de la meilleur. je cuit que iai |
[c. 6vb]
 |
mespriz. sele fust tiex se diex ioie me dont. De moi li fust aucune pitiez prise. qui sui touz sienz (et) sui a sa deuise. pitie de cuer diex que ne sest assise. en sa biaute da me qui merci pri. je sent les max. damer por uous. sentez les uo(us) Douce dame sa(n)z amour fui iadiz. pour moi. q(ua)nt ie u(ous) ui (et) uo ge(n)te |
 |
facon. (et) q(ua)nt ie ui uostre tres bel cler uis. (et) si ni prist mes cuers autre reson. de u(ous) amer me semo(n)t (et) iustise. a uous en est auostre (con) mandise. li cors remaint. qui. sent felon iuise. se nen auez m(er) ci de uostre gre li douz maux do(n)t iatent ioie. mont si greue. mors sui sele mi delaie. Mout. a amours g(ra)nt force et |
[c. 7ra]
 |
grant pooir. qui sanz reso(n) fet cha ir. a son gre. sanz reson diex ie nel puis pas sauoir. car ames iex en sot mon cuer bon gre. qui choisirent si tres bele semblance. dont iames iour ne ferai dese urance. ainz soufferrai. por li grief penitance. tant q(ue) pitie (et) merci len prendra. dont uous q(ui) mon cuer auez. (et) emble ma li douz ris (et) li uair oeul quele a. Douce dame sil uous plesoit (un) soir mauriez uous plus de ioie donnee. (con)ques tristranz qui e(n) fist son pouoir. nen pot auoir. nul iour de son ae. la moie ioie est tornee apesance. he cuer sa(n)z cors de uous prent g(ra)nt ueniance cele qui ma naure sanz deffiance (et) neporq(ua)nt ie ne li anui ia. len doit b(ie)n bele dame amer. (et) garder qui laura. |
 |
Dame pour uous uueil aler fo loiant. que ie e(n) aing mes maux. (et) ma dolour. quapres mes maux ma g(ra)nt ioie en atent. que ie(n) aurai sil uous plest abrief iour. amours merci ne soiez oubliee. sor mi fail liez cert traison doublee. q(ue) mes g(ra)nz maux por uous si fort magree ne me metez longuement. en oubli. Se la bele na de moi m(er)ci. ie ne viurai mie longuement ai(n)si. La g(ra)nt biaute qui mesprent (et) |
[c. 7rb]
 |
agree. qui seur toutes est la pl(us) desirree. ma. si lacie mon cuer en sa prison. diex ie ne pens sa li non. amoi. que ne pensse ele do(n)t |