[c. 69va]
 |
De chanter ne me puis tenir de la tres bele esperitaus. cui rien du mont ne puet seruir cui ia uiegne honte ne max. que li rois celesti aux qui en li daigna uenir. ne porroit mie sosfrir qui la sert qui ne fust saus. Quant Dex tant la uolt obeir qui ne stoit muables ne faus bien nos ideuo ns tuit tenir dame reine naturaux. |
[c. 69vb]
 |
cil qui uos sera feiaus uos li saurez bien merir. deuant uos porra uenir plus clers questoile iornax. Vostre g(ra)nt biautez qui si resplant fet tot le monde resclarcir. par uos uient dex entre sa gent en terre por la mort sos frir. (et) alenemi tolir nos (et) giter de torment par uos auons uengeme(n)t (et) par uos deuons garir Dauid le sot premierement que de li deuiez issir q(ua)nt il parla si hautement par la bouche dou saint espir uos niestes mie a florir ainz auez flor si puissa(n)t cest dex qui onq(ue)s ne ment (et) par tot fet son plaisir. Dame plaine de g(ra)nt bonte de cortoisie (et) de pitie par uos est toz renlumine li mondez neis li renoie q(ua)nt il seront rauoie (et) criero(n)t que dex soit nez seront sauf bien le sauez dame aiez de nouz pitie. Dou ce dame or uos pri ie merci que me desfendez que ie ne soie dampnez ne perduz par mon pechie. |