[c. 14r]
 |
| Li rois de nauare. De grant trauaill (et) de petit desploit coi iou cest siecle cargie (et) en |
[c. 14v]
 |
| combre. ke tant somes plain de mal eurte. ke nus ne pense a faire cou quil doit ains auons si le deauble torse. ka lui seruir chascuns paine (et) esaie (et) diex ki ot pour uous ia cruel plaie. auons mais tout arriere dos boute. molt est har Diex ki tout set (et) tout puet (et) tout uoit nous auroit tost (un) entredeus giete. se la da dis qui pour mort ne sesmaie me ki est de grant bonte. ki est les lui pour uous ne li prioit. si tres douc mot plaisant (et) sauoure. le grant courous dou grant signour apaie. molt par est faus ki autre amor asaie. ken cestui na barat ne fausete. ne es autres ne pitie ne manaie. La soris quiert pour |
 |
| son cors garandir. contre lyuer la nois (et) le torment. (et) nous chaitif nous nalons riens querant. q(ua)nt nous morrons ou nous puissons garir. nous ne chascons fors kinfer le puant. or esgardes cune beste sauuage. pouruoit de loins encontre son damage. (et) nous nauons ne sens ne hardement. il est auis ke plai(n) sosmes de rage. Li deauble ont giete pour nous saisir (quatre) aineco(n)s aeschies de torment. couoitise lance premierement. (et) puis orguel por sa grant rois emplir. luxure ua le batel trainant felonie les gouerne (et) les nage. ensi peschant sen uiegnent au riuage. dont diex nous gart par son comandemant. en qui sains fons nous fesismes homage. Les prodomes doit on tenir molt chiers. la ou il s(on)t (et) seruir (et) amer. mais apaines en puet en nus trouer. car il s(on)t mais si com li faus deniers. qui ne se puet entrebucet uerser. ains le giete on sans qui(n)g (et) sans balance. tors (et) pechies en eus fine (et) comance. faus triceour b(ie)n uous deuroit membrer. ke diex prendra de nos cruel uengance. A la dame qui tous li biens auance. ten ua chanco(n). sel te uielt escouter. onques ne fu nus de millor chaance |