 |
li rois de nauar re Lautrier par la matinee entre un bois et un uergier. une pastore ai trouuee chanta(n)t por soi enuoisier. et disoit en son premier ci me tient li max damors. tantost cele part me tor. que ie loi desresnier. si li dis sanz delaier; bele dex uos dont bon ior. Mon salu sanz demoree; me rendi et sanz targier. mult ert fres che coloree; si mi plot a acoin tier. bele uostre amor uous qier. sauroiz de moi riche ator. |
 |
ele respont tricheor sont mes trop li cheualier. melz aim per rin mon bergier; que riche honme tricheor. Bele ce ne dites mie cheualier sont trop uaillant. qui set donc auoir amie ne seruir a son talent. fors cheualier et tel gent. mes lamor dun begeron. certes ne uaut un bouton. par tez uos en a itant. et mamez ie uous creant. de moi aurez riche don. Sire par sainte marie uous en parlez por noi ent. mainte dame auront tri chiee cil cheualier soudoiant. trop sont faus et mal pensant pis ualent que guenelon. ie men reuois en meson. car per rinez qui matent. maime de cuer loiaument. abessiez u(ost)re reson. Gentendi bien la ber giere quele me ueut enging nier. mult li fis longue proie re; mes riens ni poi conq(ue)ster. lors la pris a acoler. et ele ge te un haut cri. perrinet trai trai. du bois pranent a huper ie la lais sanz demorer. seur mon cheual men parti. |