 |
[c. 259rB] B(ernart) H Uey mais de uenzac pus sazombral trelha. e uey espandir la bruella. e quecx dels auzelhs ses uelha. e chanta de sotz la fuelha. pel temps ques belhs e sesluga. el prat son belh e uermelh. nom tolray nom aparelh. dun uers faire far lai ieu hoc. E pus lo temps sa parelha. d(e) tot aquo que hom uuelha. sauis es qui sa cosselha. quossi del mielhs prenguæ cuelha. e guart som |
 |
[c. 259vA] de la belhuga. que no mor per reire cosselh. que bes e mals in- træn aurelh. e pert lo mielhs p(er) mai son loc. L o sol al matin solelha. el ni- uol al uespre muelha. el escor- pion sesbrelha. en home tro q(ue)l con cuelha. ieu lau quom en de lai fuga. quab na plana ponh. non trepelh. blanc dig ab fag escur ombrelh. fan far trenta plors per un ioc. Q ui ab falsamor dentelha. se mezeys mi cug ques tuelha. ni camja per autruy pelha. sa drey tureira despuelha. gent acuelh mas pueys sesbruga. femena quan fay de boyx telh. e folhs no saplat lo cabelh. pus li falh lo pertrag al broc. U s es de drut quan sordelha. quautre son luec li trastuelha. per qual folh pel tras laurelha. selh que per sidons sorguelha. quan son duy en la carruga. sil tertz noy ue bem merauelh. ylh pessa que mais fosson elh. quai tals es natura de foc. S elh qui mais ues lieys mer- celha. ben conosc que plus sen duelha. quar plus mols torna quabelha. cui tot iorn aiga re- muelha. mas selha quel eyssa luga. gieta se luy el brazelh. on no troba nulh gandelh. mas som combalh del enderroc. L a uida quens esbaudelha. p(er) freuol fil pendeguelha. ben es folhs qui nos espelha. el segle quons dezacuelha. tals uella |
 |
[c. 259vB] quen apres cuga. e nos seguem eys lo calmelh. atretal faran tug aisselh. quanc enqueras negus nos moc. L autre segles se desluga. q(ua)n si part lo frug del braquelh. sai fauc lauist es desparelh. uais sen larma elaissal floc. |