raembauts daurenga Er sespan la flors enuersa pels trenchans rancs e pels te res cals fregz nieus giels e con glapis. qe cos e destrrei(n)g e trenca. don uei mortz qels critz braits chiscles. Et foilleran et en giscles mais mi ten uert et iauzent iois. er can uei secs los dolens crois. |
Car enaisi o enuersa qeil bel plan me semblon tertre. E teing p(er) flors lo con glapi. el cautz mi par qel freitz trenqe e trop mi son chant e chiscle. e parom foilljat li giscle. sim soi lassatz e ferms ad ioi. qe re non uei qem sia croi. |
Mas una gent fadaenuersa qem semblo nirit en tertres me fan trop peigz qel con glapis. cusqecs ab sa lenga tre(n)ca. e par lon bas (et) ab chiscles e noi ual bastos ni menassas anz lor es iois can fan so p(er) com los ten crois. |
Qar en baisan nous euersa. nomo tolon ual ni tertre. do(n)na ni gel ni conglapi. mas nom poders trop entronqe. do(n)na p(er) cui chant e giscle. uostre bel oill mi son giscle qem chastion. sil cor ab ioi qeu non aus auer talans croi. |