   |
Ie me cuidoie partir. da mors mes riens ne me uaut. li douz ma(us) damer mocit. qui nu it ne ior ne mi faut. la nuit mi fet maint assaut et le ior ni puis dormir. ainz plaig et pleur et souspir. biau douz de(us) tant la desir. mes bien croi qil ne len chaut. Nus ne doit amors trair. fors que garcon et ribaut. se ce nest par sonplesir.ie ni uoi ne bas ne haut. ainz uueil quelemi truist baut. sanz guiler et sanz faillir. et se ie puis con siuir. le cerf qui si set fuir. n(us) nest ioianz com thiebaut. Li cers est auentureus et si est blans co(n)me nois. et si a les crins anz(dous) plus sors q(ue) or espanois. cis cers est en un defois. a lentrer mult peril leus. car il est gardez deleus. ce sont felons enuieus. qui trop grieuent aus cortois. Onc cheualier angoisseus quant a perdu son hernois. ne uielle qui art li feus me- son uin et blez et pois. ne- chacierres qui prent sois. nest enuers moi dolereus. que ie- ne soie de ceus qui aiment de- seur leur pois. Dame une riens uous demant. cuidiez uous que soit pechiez. docirre- son fin amant. oil uoir bien le sachiez. sil uous ples si lo ciez. car ie le uueil et crea(n)t. et se melz mamez uiuant. ie- le uous dien oiant. mult en seroie plus liez. |