| Arnaut daniel. Ans que sim rest de brancas sec ni despoillat de fueilla farai, c’Amors m’o comanda, breu chanso que de razon lonia, que gen m’a duit de las artz de sa escola: tan sai que.l cor fauc estar de suberna e mos bueus es plus correns que lebres. |
|
| E tu c’o aus, no t’afrancas per respeit c’amar no.t vueilla: secx, li si.t fug ni.t fai guanda, que greu er c’om no.i aponha qui l’afortis de preiar e non cola, qu’ie’n passarai part las palus d’Uzerna Mon Pelegrin, lai on cor en ios l’Ebres. |
|
| S’ieu n’ai passatz pons ni plancas per lieis, cuidatz que m’en dueilla? Non ges, c’ab ioi ses vianda men sap far metzina cucinda, baizan tenen, e.l cor si tot si vola, no.s part de lieis que.l capdel’e.l governa. Cors, on qu’ieu an, de lieis no.t luenhs ni.t sebres! |
|
| Ditz: «Tu, c’aillors no t’estancas per autra qui.t denh ni.t vueilla; totz plaitz esquiv’e desmanda, sai e lai qui que.s somonia: que ses clam faill qui se mezeis afola; e tu no far failla don hom t’esquerna mas apres Dieu lieis honors e celebres. |
|
| Ab razons cucindas e franchas m’a mandat que no m’en tueilla ni autra no serva ni blanda, pueis tan fai c’ab si m’aconia; e.m di que flors no.ill semble de viola que.s camia leu si tot noncas iverna, anc per s’amor sia laurs ho genebres. |
|
| De part Nil entro c’a Samcas genser no.s viest nis despueilla, quar sa beutatz es tan granda ben vos parria mensonia; be.m vai d’amor, qui m’embrass’e m’acola, e no.m frezis freitz, ni gels, ni buzerna, ni.m fai doler mals, ni gota, ni febres. |
|
| Sieus es Arnautz del sim truesqu’en la sola e senes lieis no vol aver luderna ni.l senhoriu del rei onor les Ebres. |